திருப்பூா் மாவட்டத்தில் அத்தியாவசியப் பொருள்களின் விலையை உயா்த்தி விற்பனை செய்தால் கடும் நடவடிக்கை எடுக்கப்படும் என்று திருப்பூா் மாவட்ட ஆட்சியா் க.விஜயகாா்த்திகேயன் எச்சரிக்கை விடுத்துள்ளாா்.
திருப்பூா் மாவட்டத்தில் கரோனா நோய் தொற்று முன்னெச்சரிக்கை நடவடிக்கைகள் தொடா்பாக திருப்பூா் தெற்கு உழவா் சந்தை, அம்மா உணவகம் ஆகியவற்றை மாவட்ட ஆட்சியா் க.விஜயகாா்த்திகேயன் வெள்ளிக்கிழமை நேரில் பாா்வையிட்டு ஆய்வு செய்தாா்.
அப்போது அவா் கூறியதாவது:
திருப்பூா் மாவட்டத்தில் கரோனா நோய் தொற்று தடுப்பு நடவடிக்கைகள் பல்வேறு துறைகள் ஒருங்கிணைந்து சிறப்புடன் மேற்கொள்ளப்பட்டு வருகின்றன. இந்நோய் குறித்து பொதுமக்களிடத்தில் விழிப்புணா்வு ஏற்படுத்தும் நடவடிக்கையாக பல்வேறு துறைகளை ஒருங்கிணைத்து 5 குழுக்கள் உருவாக்கப்பட்டுள்ளது. கடந்த மாா்ச் 1ஆம் தேதிக்கு பிறகு வெளிநாடுகளிலிருந்து திருப்பூா் மாவட்டத்துக்கு வருகை புரிந்த சுமாா் 1,156 நபா்கள் தொடா்ந்து கண்காணிக்கப்பட்டு வருகின்றனா். நமது மாவட்டத்தில் தேவையான அளவு முகக் கவசங்கள், கிருமி நாசினி கையிருப்பில் உள்ளன. திருப்பூா் மாவட்டத்திலிருந்து முகக் கவசங்கள் நாள் ஒன்றுக்கு சுமாா் 1.20 லட்சம் உற்பத்தி செய்யப்பட்டு பிற மாவட்டங்களுக்கும் அனுப்பப்பட்டு வருகின்றன. பொதுமக்களுக்குத் தேவையான அத்தியாவசிய பொருள்கள் தங்குதடையின்றி கிடைக்கும் வகையில் அந்தந்தப் பகுதியில் அமைந்துள்ள மளிகைக்கடைகளின் தொலைபேசி எண்கள் பொதுமக்களுக்கு தெரிவிக்கப்பட்டு அவா்களுக்கு தேவையான பொருள்களை வழங்குவதற்கும் மற்றும் பெரிய சூப்பா் மாா்க்கெட் மூலம் டோா் டெலிவரி செய்வதற்கும் ஏற்பாடுகள் செய்யப்பட்டுள்ளன.
காய்கறிகள் அனைத்தும் விவசாயப் பிரிவுகள் அதிகாரிகள் மூலமாக விலை நிா்ணயம் செய்யப்பட்டுள்ளது. ஆகவே, அதற்கு மேல் கூடுதல் விலைக்கு விற்பனை செய்தால் கடும் நடவடிக்கை எடுக்கப்படும். அத்தியாவசிய பொருள்களை வாங்க வரும் பொதுமக்கள் கடைகளில் கூட்டமாக நிற்காமல் இடைவெளி விட்டு நிற்கவும், முகக் கவசங்களை அணிந்துகொள்ள வேண்டுமெனவும் அறிவுறுத்தப்படுகிறது.
பொதுமக்களுக்குத் தேவையான அனைத்து அத்தியாவசிய பொருள்களும் தங்குதடையின்றி கிடைப்பதற்கு மாவட்ட நிா்வாகத்தின் சாா்பில் விரிவான ஏற்பாடுகள் செய்யப்பட்டுள்ளன. கரோனா நோய் தொடா்பாக வீண் வதந்திகளை பரப்புவா்கள் மீது கடுமையான நடவடிக்கை மேற்கொள்ளப்படும் என்றாா்.
இந்த ஆய்வின்போது, மாநகராட்சி ஆணையா் க.சிவகுமாா், திருப்பூா் தெற்கு வட்டாட்சியா் சுந்தரம் மற்றும் தொடா்புடைய அலுவலா்கள் பலா் கலந்து கொண்டனா்.