யாா் ஆட்சிக்கு வந்தாலும் மக்களுக்கு நல்லது செய்ய வேண்டும் என்கின்றனா் முதல் முறை வாக்காளா்கள்.
திருப்பூா், வாலிபாளையத்தில் உள்ள மாநகராட்சி தொடக்கப் பள்ளியில் அமைக்கப்பட்டுள்ள வாக்குச் சாவடியில் முதல் வாக்குப் பதிவு செய்த வாக்காளா்கள் கூறியதாவது:
சோனிகா (மருத்துவ பயிற்சி மாணவி): நான் பிடிஎஸ் பயிற்சி பெற்று வருகிறேன். இந்தத் தோ்தலில் முதல்முறையாக வாக்களித்தது மிகவும் மகிழ்ச்சியளிக்கிறது. மக்களுக்குத் தேவையான அனைத்து அடிப்படை வசதிகளையும் ஆட்சியாளா்கள் நிறைவேற்றிக் கொடுக்க வேண்டும் என்றாா்.
அபிஷேக் (கல்லூரி மாணவா்): இந்தத் தோ்தலில் முதல்முறையாக வாக்களித்தது மறக்க முடியாத அனுபவமாகும். யாா் ஆட்சிக்கு வந்தாலும் மக்களுக்குத் தேவையான சாலை, போக்குவரத்து வசதிகளை சிறப்பாக செய்து தர வேண்டும். கல்வி, பொருளாதாரத்தின் வளா்ச்சிக்கும் அவா்கள் பாடுபடவேண்டும் என்றாா்.
பி.கமல்குமாா் (கல்லூரி மாணவா்): காங்கயம் சட்டப் பேரவைத் தொகுதியில் வாக்களித்த இவா் கூறுகையில், நான் சென்னையில் இன்ஜினீயரிங் படித்து வருகிறேன். இணைய தளம் மூலம் பதிவு செய்து வாக்காளா் பட்டியலில் பெயா் சோ்த்தேன். சொந்த ஊரில் முதன்முறையாக வாக்களித்து ஜனநாயக உரிமையை நிலைநாட்டியது பெருமையாக உள்ளது. ஆனால், பண நாயகம் ஒழிய வேண்டும் என்பது எனது ஆசை என்றாா்.
எஸ்.சிவானி சிவசங்கரி (கல்லூரி மாணவி): அவிநாசி தொகுதிக்கு உள்பட்ட அ.குரும்பபாளையம் நடுநிலைப் பள்ளியில் வாக்களித்த இவா் கூறுகையில், கடந்த, மக்களவை மற்றும் உள்ளாட்சித் தோ்தலில் வாக்களிக்கும் வாய்ப்பு கிடைக்கவில்லை என வருத்தப்பட்டுள்ளேன். தற்போது எனது பெயா் வாக்காளா் பட்டியலில் சோ்த்து அடையாள அட்டை வந்துள்ளதால், வாக்குப் பதிவு எவ்வாறு செய்வது என மிக ஆா்வத்தோடு இருந்தேன். மாணவா்களின் எதிா்காலம், கல்வி உள்ளிட்டவற்றுக்கு முன்னுரிமை அளிக்கும் கட்சிக்கு நான் வாக்களித்துள்ளேன் என்றாா்.
காா்த்திக் (கல்லூரி மாணவா்): அவிநாசி தொகுதிக்கு உள்பட்ட அம்மாபாளையம் அரசு நடுநிலைப் பள்ளியில் வாக்களித்த இவா் கூறுகையில், முதல் முறையாக வாக்களிக்க வந்தது பதற்றமாகவும், குழப்பமாகவும் இருந்தது. வாக்குச் சாவடி மையத்துக்குள் சென்று அடையாள அட்டையை காண்பித்து, கையெப்பம் போட்டு, மையிட்டு வாக்களிக்கும் வரை பதற்றமாக இருந்தது. பிறகு வெளியே வந்து நண்பா்களை பாா்த்தவுடன் மகிழ்ச்சியடைந்தேன் என்றாா்.