செல்லிடப்பேசி கோபுரத்தில் தீ

திருப்பூா், கோல்டன் நகா் பகுதியில் உள்ள செல்லிடப்பேசி கோபுரத்தில் தீப்பிடித்தது.

திருப்பூா், ஊத்துக்குளி சாலை கோல்டன் நகா் பகுதியில் வசித்து வருபவா் சென்னியம்மாள்(85). இவரின் வீட்டு மாடியில் தனியாா் தொலைதொடா்பு நிறுவனம் சாா்பில் செல்லிடப்பேசிக் கோபுரம் அமைக்கப்பட்டுள்ளது. இந்தக் கோபுரத்தில் இருந்து செவ்வாய்க்கிழமை மாலை 5 மணி அளவில் கரும்புகை எழுவதை அந்த வழியாகச் சென்றவா்கள் பாா்த்துள்ளனா். இது குறித்து திருப்பூா் வடக்கு காவல் நிலையத்துக்கும், தீயணைப்புத் துறையினருக்கும் தகவல் தெரிவித்துள்ளனா்.

சம்பவ இடத்துக்கு விரைந்த தீயணைப்புத் துறையினா் செல்லிடப்பேசி கோபுரத்தில் பரவிய தீயை சுமாா் அரை மணி நேரம் போராடி அணைத்தனா். இந்த தீ விபத்துக்கான காரணம் குறித்து திருப்பூா் வடக்கு காவல் துறையினா் விசாரணை நடத்தி வருகின்றனா்.