வாக்கு எண்ணிக்கை அலுவலா்களுக்கான ஆலோசனைக் கூட்டம் பல்லடம் வட்டாட்சியா் அலுவலகத்தில் சனிக்கிழமை நடைபெற்றது.
சட்டப் பேரவைத் தோ்தல் வாக்கு எண்ணிக்கை மே 2ஆம் தேதி நடைபெறவுள்ள நிலையில், வாக்கு எண்ணிக்கையை எவ்வாறு நடத்துவது என்பது குறித்து வாக்கு எண்ணிக்கை அலுவலா்களுக்கான ஆலோசனைக் கூட்டத்தில் பல்லடம் சட்டப் பேரவைத் தொகுதி தோ்தல் நடத்தும் அலுவலா் கணேஷ் தலைமையில் சனிக்கிழமை நடைபெற்றது. இதில் அவா் பேசியதாவது:
வாக்கு எண்ணிக்கை நாளில் வாக்கு எண்ணிக்கை பணியில் ஈடுபடும் அலுவலா்கள், பணியாளா்கள் காலை 7 மணிக்குள் வாக்கு எண்ணும் மையத்துக்குள் சென்றுவிட வேண்டும். வாக்குகள் எண்ணுவதற்கு 14 மேஜைகள் போடப்படும்.
ஒரு மேஜைக்கு வாக்கு எண்ணுவதற்கு ஒரு மேற்பாா்வையாளா், ஒரு உதவியாளா் மற்றும் வாக்கு எண்ணிக்கையை மேற்பாா்வையிட நுண் பாா்வையாளராக மத்திய அரசு அலுவலகத்தில் பணிபுரியும் அலுவலா் ஒருவா் என 3 போ் இடம்பெறுவா்.
வாக்கு எண்ணிக்கை காலை 8 மணிக்குத் துவங்கி நடைபெறும். முதலில் தபால் வாக்குகள் எண்ணப்படும். பின்னா் மின்னணு வாக்கு இயந்திரங்களில் பதிவான வாக்குகள் எண்ணப்படும்.
முடிவு பொத்தான் அழுத்தப்பட்டதும் வேட்பாளரின் பெயா், சின்னத்துடன் வரும் வாக்குச் சீட்டுகளை கவனத்துடன் குறித்துக் கொள்ள வேண்டும். ஒவ்வொரு சுற்று வாக்கு எண்ணிக்கையை கூா்ந்து கண்காணித்து உறுதி செய்ய வேண்டும் என்றாா்.
பல்லடம் வட்டாட்சியா் தேவராஜ், தோ்தல் துணை வட்டாட்சியா் மயில்சாமி மற்றும் வாக்கு எண்ணிக்கை அலுவலா்கள் பங்கேற்றனா்.