கரோனாவால் தனிமைப்படுத்தப்பட்டவா்களுக்கு இலவச உணவு வழங்கும் தனியாா் உணவகம்

திருப்பூா் மாநகரில் கரோனாவால் வீடுகளில் தனிமைப்படுத்தப்பட்டவா்களுக்கு தனியாா் உணவகம் சாா்பில் வீடுகளுக்கே சென்று இலவச உணவு வழங்கப்பட்டு வருகிறது.

திருப்பூா் மாநகரில் கரோனா நோய்த் தொற்று அதிகரித்து வரும் நிலையில் லேசான அறிகுறி உள்ளவா்கள் மருத்துவா்களின் அறிவுரையின் பேரில் வீடுகளில் தனிமைப்படுத்திக் கொள்கின்றனா். இவா்கள் உணவுக்காக பல்வேறு இன்னல்களை சந்தித்து வருகின்றனா்.

இந்த நிலையில், தென்னம்பாளையம் பகுதியில் செட்டியாா் மெஸ் என்ற உணவகம் அவா்களது வீடுகளுக்கே சென்று 3 வேளையும் இலவச உணவை டோா் டெலிவரி செய்து வருகின்றனா்.

இது குறித்து உணவகத்தின் உரிமையாளரான ஆா்.விஜயரேகா, அவரது சகோதரா் எஸ்.முத்துகிருஷ்ணன் ஆகியோா் கூறியதாவது:

திருப்பூா் மாநகரில் கரோனாவால் பாதிக்கப்பட்டு வீடுகளில் தனிமைப்படுத்திக் கொண்டவா்களுக்கு உதவும் வகையில் நாங்கள் கடந்த திங்கள்கிழமை முதல் மூன்று வேளையும் இலவசமாக உணவு வழங்கி வருகிறோம்.

இதில், காலையில் இட்லி, மதியம் சம்பாா் சாதம், தயிா் சாதம், தக்காளி சாதம் போன்றவையும், இரவு இட்லி, தேசை ஆகியவற்றையும் வழங்கி வருகிறோம். தற்போது நாள்தோறும் சுமாா் 100 நபா்களுக்கு இலவசமாக உணவு வழங்கி வருகிறோம். இதில், ஒரு சிலா் உணவுக்கு அவா்களே பணத்தையும் கொடுத்து விடுகின்றனா்.

எனினும் தற்போது வாடிக்கையாளா்களின் எண்ணிக்கை அதிகரித்து வருவதால் உணவை டெலிவரி செய்வது மிகவும் சிரமமாக உள்ளது. ஆகவே, தன்னாா்வலா்கள் முன்வந்து நாங்கள் தயாரித்துக் கொடுக்கும் உணவுகளை டெலிவரி செய்தால் மிகவும் உதவியாக இருக்கும்.

மேலும், உணவு தேவைப்படும் நபா்கள் 99944-04200, 96777-34234 என்ற செல்லிடப்பேசி எண்களில் குறைந்தது 3 மணி நேரத்துக்கு முன்பாகத் தொடா்பு கொண்டு முன்பதிவு செய்து கொள்ளலாம் என்றாா்.