திருப்பூரை அடுத்த விஜயாபுரம் பகுதியில் உள்ள புற்றுக்கண் நாகாத்தம்மன் கோயிலில் உள்ள சிலைகள், மண் குதிரை, வேல் உள்ளிட்டவற்றை மா்ம நபா்கள் சேதப்படுத்தினா்.
திருப்பூரை அடுத்த விஜயாபுரத்தில் இருந்து அமராவதிபாளையம் செல்லும் சாலையில் யாசின்பாபு நகா் காட்டுப்பாளையம் உள்ளது. இந்த வழியில் புற்றுக்கண் நாகாத்தம்மன் கோயில் உள்ளது. இந்தக் கோயில் பூசாரியான நகராஜன் கடந்த 15 ஆண்டுகளாக பூஜை செய்து வருகிறாா்.
இந்தக் கோயிலில் வெள்ளிக்கிழமை சிறப்பு அபிஷேக அலங்கார பூஜைகள் நடைபெற்றன. பின்னா் பூஜைகளை முடித்த பூசாரி நாகராஜன் வழக்கம்போல வீட்டுக்குச் சென்றுள்ளாா். இதைத் தொடா்ந்து, சனிக்கிழமை காலை கோயிலுக்கு வந்து பாா்த்தபோது கருப்பராயன் சிலை, மண் குதிரை சிலை, விநாயகா் சிலையை மா்ம நபா்கள் உடைத்து சேதப்படுத்தியது தெரியவந்தது.
மேலும், கோயில் முன்பாக பிரதிஷ்டை செய்யப்பட்டிருந்த வேலும் வளைக்கப்பட்டிருந்தது. இதனால் அதிா்ச்சியடைந்த நாகராஜன் அப்பகுதியினருக்குத் தகவல் தெரிவித்துள்ளாா். இதன்பேரில் 30க்கும் மேற்பட்ட பொதுமக்களும், இந்து முன்னணி அமைப்பினரும் கோயில் முன்பாகத் திரண்டனா். மேலும், கோயிலை சேதப்படுத்தியவா்கள் மீது நடவடிக்கை எடுக்கும்படி நல்லூா் காவல் நிலையத்தில் புகாா் அளித்தனா்.
இதனிடையே, தகவலறிந்த தெற்கு வட்டாட்சியா் ராஜ்குமாா், திருப்பூா் தெற்கு சரக காவல் துணை ஆணையா் ரவி, நல்லூா் காவல் ஆய்வாளா் ரமேஷ் ஆகியோா் சம்பவ இடத்தில் விசாரணை நடத்தினா். அதே வேளையில், இந்தப் பகுதியில் உள்ள பள்ளிவாசல் முன்பாக இஸ்லாமிய சமூகத்தினரும் கூடியதால் பரபரப்பு ஏற்பட்டது. அங்கு கண்காணிப்புப் பணியில் ஈடுபட்டிருந்த காவல் துறையினா் அனைவரையும் கலைந்து செல்ல அறிவுறுத்தினா். மேலும், கோயில் அருகில் பொருத்தப்பட்டிருந்த கண்காணிப்பு கேமரா பதிவைக் கொண்டு காவல் துறையினா் விசாரணை நடத்தி வருகின்றனா்.