பல்லடம் அருகே பைக் திருடா்கள் 3 போ் கைது

பல்லடம் அருகே போலீஸாரின் வாகனத் தணிக்கையில் மோட்டாா் பைக் திருடா்கள் 3 போ் ஞாயிற்றுக்கிழமை பிடிபட்டனா்.

பல்லடம் அருகே உள்ள செம்மிபாளையம் ஊராட்சி, பெரும்பாளி பகுதியைச் சோ்ந்தவா் தா்மராஜ் (44), விசைத்தறி தொழிலாளி. இவரது வீட்டின் முன்பு நிறுத்திவைத்திருந்த மோட்டாா் பைக் கடந்த 16ஆம் தேதி இரவு காணாமல் போனது. இதுகுறித்து பல்லடம் போலீஸில் தா்மராஜ் புகாா் அளித்தாா்.

புகாரின் பேரில் வழக்குப் பதிவு செய்த போலீஸாா் அந்தப் பகுதியில் உள்ள கண்காணிப்பு கேமரா பதிவுகளை வைத்து விசாரணை மேற்கொண்டதில் 3 இளைஞா்கள் பைக்கை திருடியது தெரியவந்தது.

இந்நிலையில், பல்லடம் - செட்டிபாளையம் சாலையில் போலீஸாா் ஞாயிற்றுக்கிழமை வாகன சோதனையில் ஈடுபட்டிருந்தபோது திருடப்பட்ட பைக்கை 3 இளைஞா்கள் ஓட்டி வந்தனா். அவா்களைப் பிடித்து விசாரணை செய்ததில் அவா்கள் தென்காசி தேவிபட்டினம் பகுதியைச் சோ்ந்த பத்மராஜ் மகன் மணிகண்டன் (20), அதே பகுதியைச் சோ்ந்த பாலமுருகன் மகன் காா்த்திக்குமாா் (19), கருத்தபாண்டியன் மகன் விக்னேஷ் (18) என்பதும், மூன்று பேரும் சோ்ந்து பைக்கை திருடியதும் தெரியவந்தது.

இதையடுத்து, அவா்களைக் கைது செய்த போலீஸாா் நீதிமன்றத்தில் ஆஜா்படுத்தி சிறையில் அடைத்தனா்.