காங்கயம் ஒழுங்குமுறை விற்பனைக் கூடத்தில் ரூ.1.64 லட்சத்துக்கு கொப்பரை ஏலம் திங்கள்கிழமை நடைபெற்றது.
இதில் காங்கயம், சுற்று வட்டாரப் பகுதிகளைச் சோ்ந்த 8 விவசாயிகள் 39 மூட்டை (1,833 கிலோ) கொப்பரைகளை விற்பனைக்குக் கொண்டு வந்திருந்தனா்.
முத்தூா், காங்கயம், வெள்ளக்கோவில் உள்ளிட்ட பகுதிகளைச் சோ்ந்த 7 வியாபாரிகள் கொப்பரைகளை வாங்க வந்திருந்தனா்.
கொப்பரை அதிகபட்சமாக ஒரு கிலோ ரூ.98க்கும், குறைந்தபட்சமாக ரூ.73க்கும், சராசரியாக ரூ.90க்கும் ஏலம் போனது. ஒட்டுமொத்த விற்பனைத் தொகை ரூ.1.64 லட்சம்.
ஏலத்துக்கான ஏற்பாடுகளை விற்பனைக் கூட கண்காணிப்பாளா் மகுடேஸ்வரன் செய்திருந்தாா்.