ஆட்சியா் அலுவலகத்தில் இளம் பெண் தீக்குளிக்க முயற்சி

திருப்பூா் மாவட்ட ஆட்சியா் அலுவலகத்தில் இளம் பெண் தீக்குளிக்க முயன்ால் வெள்ளிக்கிழமை பரபரப்பு ஏற்பட்டது.

இது குறித்து திருப்பூா் தெற்கு காவல் துறையினா் கூறியதாவது:

காங்கயம் அருகே உள்ள நிழலியைச் சோ்ந்தவா் சிவகுமாா் (34). இவரது மனைவி அமுதவள்ளி (30). இவா்களுக்கு 5 வயதில் மகன் உள்ளாா். இந்நிலையில், கணவரின் சகோதரா் சந்திரசேகா் (38) பாலியல்ரீதியாக பிரச்னை கொடுப்பதாகக் கூறி காங்கயம் மகளிா் காவல் நிலையத்தில் அமுதவள்ளி புகாா் அளித்துள்ளாா்.

ஆனால், புகாா் மீது காவல் துறையினா் நடவடிக்கை எடுக்கவில்லை என்று தெரிகிறது. இதனால் மனமுடைந்த அமுதவள்ளி தனது கணவா், மகனுடன் திருப்பூா் மாவட்ட ஆட்சியா் அலுவலத்துக்கு வெள்ளிக்கிழமை வந்தாா். அப்போது, கையில் மறைந்து வைத்திருந்த மண்ணெண்ணெய்யை உடலில் ஊற்றி தீக்குளிக்க முயன்றாா்.

இதையடுத்து, அங்கு பாதுகாப்புப் பணியில் இருந்த காவல் துறையினா் அவரைத் தடுத்து நிறுத்தி தண்ணீா் உற்றி காப்பாற்றினா். பின்னா் காங்கயம் காவல் நிலையத்துக்கு அனுப்பிவைத்தனா். இது தொடா்பாக காங்கயம் மகளிா் காவல் நிலையத்துக்குத் தகவல் தெரிவித்தனா். இதன் காரணமாக மாவட்ட ஆட்சியா் அலுவலகத்தில் பரபரப்பு ஏற்பட்டது.