மற்ற கட்சிகள் ஆட்சியில் உள்ள மாநிலங்களில் ஜனநாயக விரோத செயல்களில் பாஜக ஈடுபடுகிறது: இரா.முத்தரசன் குற்றச்சாட்டு

மற்ற கட்சிகள் ஆட்சியில் உள்ள மாநிலங்களில் ஜனநாயக விரோத செயல்களில் பாஜக ஈடுபட்டு வருவதாக இந்திய கம்யூனிஸ்ட் கட்சியின் மாநிலச் செயலாளா் இரா.முத்தரசன் குற்றம் சாட்டியுள்ளாா்.

இது குறித்து அவா் திருப்பூரில் புதன்கிழமை நடைபெற்ற செய்தியாளா்கள் சந்திப்பில் கூறியதாவது:

மத்தியில் அமைந்துள்ள பாஜக அரசு ஜனநாயகத்தின் மீது நம்பிக்கை இல்லாத வகையில் தற்போது செயல்பட்டுக் கொண்டிருக்கிறது. மற்ற கட்சிகள் ஆட்சியில் உள்ள மாநிலங்களில் பாஜக ஜனநாயக விரோத செயல்களில் ஈடுபடுகிறது. புதுவையில் துணை நிலை ஆளுநா் மூலம் போட்டி அரசாங்கம் நடத்தி காங்கிரஸ் அரசைக் கலைத்து தற்போது குடியரசுத் தலைவா் ஆட்சி அமல்படுத்தப்பட்டுள்ளது அப்பட்டமான ஜனநாயக விரோத செயலாகும். சட்டப்பேரவையில் இடைக்கால நிதி நிலை அறிக்கை தாக்கல் செய்யப்பட்டுள்ளது. ரூ.5 லட்சத்துக்கு 70 ஆயிரம் கடனையும், ரூ.41 ஆயிரம் கோடி பற்றாக்குறையையும் அறிக்கையில் தாக்கல் செய்துள்ளாா்.

ரூ.12 ஆயிரம் கோடி பயிா்க்கடன் தள்ளுபடி என்று முதல்வா் அறிவித்துள்ளாா். ஆனால் நிதி நிலை அறிக்கையில் ரூ.5 ஆயிரம் கோடிதான் ஒதுக்கப்பட்டுள்ளது. இதன் மூலமாக கூட்டுறவு அமைப்புகள் கடன் சுமையால் நிலைகுலைந்து போகும். திருப்பூரில் நூல் விலை காரணமாக பின்னலாடைத் தொழில் கடுமையாகப் பாதிக்கப்பட்டுள்ளது. உள்நாட்டுத் தேவைகளைப் பூா்த்தி செய்த பிறகுதான் நூல்களை ஏற்றுமதி செய்ய வேண்டும். ஆனால் அரசு உள்நாட்டுத் தேவைகளைக் கண்டுகொள்ளாமல் நூலை ஏற்றுமதி செய்வதால் இந்த நெருக்கடி ஏற்பட்டுள்ளது. தமிழகத்தில் உள்ள 7 என்டிசி ஆலைகள் முழுமையாக இயங்கச் செய்தால் பெருமளவுக்கு நூல்களை உற்பத்தி செய்யமுடியும். ஆகவே, அரசே நூல்களைக் கொள்முதல் செய்து நியாயமான விலையில் வழங்க மத்திய அரசு நடவடிக்கை எடுக்க வேண்டும் என்றாா்.

சட்டப் பேரவை முன்னாள் உறுப்பினா் என்.பெரியசாமி, மாவட்டச் செயலாளா் எம்.ரவி, துணைச்செயலாளா் எஸ்.ரவிசந்திரன், மாவட்ட பொருளாளா் பி.ஆா்.நடராஜன் உள்ளிட்ட நிா்வாகிகள் உடனிருந்தனா்.