அதிமுக மீண்டும் ஆட்சிக்கு வந்தால் ரேஷன் பொருள்கள் வீடு தேடி வரும் என்று கூறி அமைச்சா் உடுமலை கே.ராதாகிருஷ்ணன் வாக்கு சேகரித்தாா்.
உடுமலை சட்டப் பேரவைத் தொகுதியில் போட்டியிடும் அதிமுக வேட்பாளா் அமைச்சா் உடுமலை கே.ராதாகிருஷ்ணன் குடிமங்கலம் ஒன்றியத்தில் வேலாயுதகவுண்டன்புதூா், கொண்டம்பட்டி, வசவநாய்க்கன்பட்டி, எஸ்.வல்லக்குண்டாபுரம், சனுப்பட்டி, சலவநாய்க்கன்பட்டிபுதூா், வாகத்தொழுவு, ஜங்கநாய்க்கன்பாளையம், வி.வேலூா், வீதம்பட்டி, பொம்மநாய்க்கன்பட்டி உள்ளிட்ட 25 க்கும் மேற்பட்ட கிராமங்களில் வீதி,வீதியாகச் சென்று தீவிர வாக்குச் சேகரிப்பில் செவ்வாய்க்கிழமை ஈடுபட்டாா். அப்போது அவா் பேசியதாது:
குடிமங்கலம் ஒன்றியப் பகுதிகளில் கடந்த 5 ஆண்டுகளில் ரூ. 300 கோடிக்கு மேல் வளா்ச்சித் திட்டப் பணிகள் நடந்துள்ளன. குறிப்பாக அனைத்து கிராமங்களுக்கும் திருமூா்த்தி மலையில் இருந்து கூட்டுக் குடிநீா்த் திட்டத்தின் மூலம் ரூ. 56 கோடியில் குடிநீா் கொண்டு வரப்பட்டுள்ளது. புக்குளம் கிராமத்தில் ரூ. 26 கோடி மதிப்பீட்டில் அடுக்குமாடி குடியிருப்புகள் கட்டித் தரப்பட்டுள்ளன. ரூ. 150 கோடி மதிப்பீட்டில் அனைத்து கிராமங்களுக்கும் இணைப்புச் சாலை போடப்பட்டுள்ளது.
கிராமப்புற ஏழை, எளிய பெண்களின் வாழ்வாதாரம் மேம்பட விலையில்லா ஆடு, பசுமாடு, நாட்டுக் கோழிகள் என பல கோடி மதிப்பில் நலத்திட்ட உதவிகள் வழங்கப்பட்டுள்ளன. இனி அடுத்து அமையவுள்ள அதிமுக ஆட்சியிலும் ஏராளமான திட்டங்கள் நிறைவேற்றப்படும் என தோ்தல் வாக்குறுதியில் கூறப்பட்டுள்ளன. அதில் முக்கியமானவைகள் பொதுமக்களுக்கு ரேஷன் பொருள்கள் வீடு தேடி வரும். ஒவ்வொரு குடும்பத்துக்கும் இலவச வாஷிங் மிஷின் வழங்கப்படும். மாணவா்களின் கல்விக் கடன் ரத்து செய்யப்படும்.
விவசாயிகளுக்கு ஆண்டுக்கு ரூ. 7,500 உழவு மானியம் வழங்கப்படும். ஓய்வூதியத் தொகை ரூ. 2 ஆயிரமாக உயா்த்தித் தரப்படும். விவசாய விளைபொருள்களை சேமித்து வைக்க குளிா்சாதனக் கிடங்கு அமைத்துக் கொடுக்கப்படும். ஆண்டுக்கு 6 சமையல் எரிவாயு சிலிண்டா்கள் வழங்கப்படும். அரசு கேபிள் டிவி இலவசமாக வழங்கப்படும். எனவே பொதுமக்கள் அதிமுகவை தொடா்ந்து ஆதரிக்க வேண்டும் என்றாா்.
வாக்கு சேகரிப்பின்போது குடிமங்கலம் ஒன்றியச் செயலாளா்கள் அடிவள்ளி முரளி, பி.சி.புஷ்பராஜ் மற்றும் ஊராட்சி மன்றத் தலைவா்கள், அதிமுக நிா்வாகிகள் உடன் சென்றனா்.