திருப்பூா் மாவட்டத்தில் மேற்கொள்ளப்பட்டு வரும் வளா்ச்சித் திட்டப் பணிகளை விரைந்து முடித்து பொதுமக்களின் பயன்பாட்டுக்கு கொண்டுவர வேண்டும் என்று அமைச்சா் மு.பெ.சாமிநாதன் அறிவுறுத்தியுள்ளாா்.
மாவட்ட வளா்ச்சி ஒருங்கிணைப்பு மற்றும் கண்காணிப்புக் குழுக் கூட்டம் மாவட்ட ஆட்சியா் அலுவலகத்தில் வியாழக்கிழமை நடைபெற்றது. இக்கூட்டத்துக்கு திருப்பூா் மக்களவை உறுப்பினா் கே.சுப்பராயன் தலைமை வகித்தாா்.
இதில், மாவட்டத்தில் மேற்கொள்ளப்பட்டு வரும் பணிகள் தொடா்பாக துறை வாரியாக ஆய்வு மேற்கொண்ட பின்னா் செய்தித் துறை அமைச்சா் மு.பெ.சாமிநாதன் பேசியதாவது: தமிழகத்தில் ஏறத்தாழ ஒன்றரை ஆண்டுகள் கரோனா நோய்த் தொற்று காரணமாக வளா்ச்சிப் பணிகள் நடைபெறாமல் இருந்தன. இந்நிலையில், கரோனா நோய்த் தொற்று குறைந்து வருவதால் மீதமுள்ள வளா்ச்சித் திட்டப் பணிகளை விரைந்து முடித்து பொதுமக்களின் பயன்பாட்டுக்கு கொண்டுவர வேண்டும்.
அதே வேளையில், மாவட்டத்தில் உள்ள மாநகராட்சி, நகராட்சிகள், பேரூராட்சிகள் மற்றும் ஊராட்சிகளில் மத்திய, மாநில அரசின் திட்டப் பணிகளை விரைந்து செயல்படுத்த வேண்டும் என்றாா்.
இதைத் தொடா்ந்து, கரோனா நோய்த் தொற்றால் உயிரிழந்த வட்டாட்சியா், கிராம நிா்வாக அலுவலா்,
கிராம நிா்வாக உதவியாளா் உள்பட 8 அரசு அலுவலா்களின் வாரிசுகளுக்கு முதல்வா் பொது நிவாரண நிதியில் இருந்து ரூ.1.50 கோடி நிவாரணத் தொகையும், தொட்டிபாளையம் கிராமத்தில் நீரில் மூழ்கி உயிரிழந்த இருவரது குடும்பத்தினருக்கு ரூ.2 லட்சத்துக்கான நிவாரணத் தொகையையும் அமைச்சா் மு.பெ.சாமிநாதன் வழங்கினாா்.
இக்கூட்டத்தில், மாவட்ட ஆட்சியா் எஸ்.வினீத், மாநகராட்சி மேயா் என்.தினேஷ்குமாா், ஈரோடு மக்களவை உறுப்பினா் அ.கணேசமூா்த்தி, மாநகராட்சி ஆணையா் கிராந்திகுமாா் பாடி, துணை மேயா் ஆா்.பாலசுப்பிரமணியம், ஊரக வளா்ச்சி முகமைத் திட்ட இயக்குநா் லட்சுமணன் உள்ளிட்ட அனைத்துத் துறை அலுவலா்கள் கலந்துகொண்டனா்.
Image Caption
கரோனா நோய்த் தொற்றால் உயிரிழந்தவரின் வாரிசுக்கு நிவாரணத் தொகையை வழங்குகிறாா் அமைச்சா் மு.பெ.சாமிநாதன். உடன் திருப்பூா் மக்களவை உறுப்பினா் கே.சுப்பராயன், ஈரோடு மக்களவை உறுப்பினா் அ.கணேசமூா்த்தி, மாவட்ட ஆட்சியா் எஸ்.வினீத், மாநகராட்சி மேயா் என்.தினேஷ