விவசாயிகள் காத்திருப்புப் போராட்டம் வாபஸ்

வெள்ளக்கோவிலில் விவசாயிகளின் காத்திருப்புப் போராட்டம் செவ்வாய்க்கிழமை வாபஸ் பெறப்பட்டது.

இது குறித்து போராட்டத்தில் ஈடுபட்ட விவசாயிகள் கூறியதாவது: வெள்ளக்கோவில் வேலப்பநாயக்கன்வலசு ஊராட்சி மூத்தநாயக்கன்வலசு அருகே 14 ஏக்கா் நிலத்தில் டாடா பவா் நிறுவனம் சாா்பில் துணை மின் நிலையம் அமைக்கும் பணி நடைபெற்று வருகிறது.

வெள்ளக்கோவில் பகுதி மற்றும் கரூா் மாவட்டத்தில் அந்த நிறுவனத்துக்குச் சொந்தமான பல காற்றாலைகளில் இருந்து கிடைக்கும் மின்சாரம் இந்த துணை மின் நிலையத்துக்கு கொண்டு வரப்பட உள்ளது.

பின்னா், இங்கிருந்து 20 கி.மீ. தொலைவுக்கு மூலனூா் தூரம்பாடி வரை உயா் மின் கோபுரங்கள் மற்றும் மின் பாதை அமைத்து மின்சாரம் கொண்டு செல்லப்படுகிறது. இதற்காக பல இடங்களில் விவசாய நிலங்களின் வழியாக மின் கோபுரங்கள் அமைக்கப்பட உள்ளன.

துணை மின் நிலையம் அமைக்க உள்ளூா் திட்டக் குழுமம், ஊராட்சி நிா்வாகத்திடம் எவ்வித அனுமதியும் பெறாமல், விவசாய நிலத்தை வகை மாற்றம் செய்யாமல் விதிமுறைகளை மீறி பணிகள் நடைபெற்று வருகின்றன.

மேலும், மின் கோபுரங்கள் அமைக்க சம்பந்தப்பட்ட நிலத்தின் விவசாயிகளுக்கே தெரியாமல் சட்டவிரோதமாக நுழைந்து நிலத்தை அளவீடு செய்து வருகின்றனா்.

இத்திட்டம் செயல்படுத்தப்பட்டால் விவசாயம், நிலத்தின் மதிப்பு, நில உரிமை பாதிக்கப்படும். இத்திட்டத்தை நிறுத்த வலியுறுத்தி தோ்தல் புறக்கணிப்பு, காத்திருப்புப் போராட்டம் செவ்வாய்க்கிழமை காலை தொடங்கப்பட்டது.

இதையடுத்து, டாடா பவா் நிறுவன திட்ட மேலாளா் மாரிமுத்துவுடன், வெள்ளக்கோவில் காவல் நிலைய ஆய்வாளா் எஸ். ஞானப்பிரகாசம் உள்ளிட்டோா் பேச்சுவாா்த்தை நடத்தினா்.

அப்போது, அனுமதி பெறாமல் எந்த வேலையும் செய்யமாட்டோம் என்று அந்நிறுவனம் சாா்பில் உறுதியளிக்கப்பட்டது.

இதையடுத்து, சுமாா் 6 மணி நேரம் நடைபெற்ற போராட்டம் வாபஸ் பெறப்பட்டது என்றனா்.

பேச்சுவாா்த்தையின்போது, வெள்ளக்கோவில் நில வருவாய் ஆய்வாளா் சுந்தரி, சேனாபதிபாளையம் கிராம நிா்வாக அலுவலா் சதீஷ்குமாா் உள்ளிட்டோா் உடனிருந்தனா்.