தருமபுரி ராஜாஜி நீச்சல் குளத்தில் மூன்றாம் கட்ட நீச்சல் பயிற்சி நாளை தொடக்கம்

தருமபுரி ராஜாஜி நீச்சல் குளத்தில் மூன்றாம் கட்ட நீச்சல் பயிற்சி ஏப். 27-ஆம் தேதி தொடங்குகிது.

இதுகுறித்து தருமபுரி மாவட்ட விளையாட்டு மேம்பாட்டு அலுவலா் தே.சாந்தி வெளியிட்ட செய்திக் குறிப்பு:

தமிழ்நாடு விளையாட்டு மேம்பாட்டு ஆணையம், தருமபுரி பிரிவு சாா்பாக பள்ளி, கல்லூரி மாணவ, மாணவிகள், பொதுமக்கள் பயன்பெறும் வகையில் நீச்சல் பழகுதல் திட்டம் செயல்படுத்தப்பட்டு வருகிறது. தற்போது மூன்றாம் கட்ட நீச்சல் பழகுதல் பயிற்சி முகாம் ஏப். 27 தொடங்கி மே 8 வரையில் நடைபெறுகிறது.

பெண்களுக்கு தனியாக நீச்சல் பயிற்சி அளிக்கப்படுகிறது. தினசரி காலை 7 மணியிலிருந்து 8 மணி வரையிலும், காலை 8 மணி முதல் 9 மணி வரையிலும், மாலை 4.30 மணி முதல் 5.30 மணி வரையிலும் மாணவா்கள், ஆண்களுக்கு பயிற்சி அளிக்கப்படுகிறது.

காலை 9 மணி முதல் 10 மணி வரை மாணவிகள், பெண்களுக்கு பயிற்சி வகுப்புகள் நடைபெறுகிறது. நீச்சல் பயிற்சி கட்டணமாக ரூ. 1,770 செலுத்த வேண்டும். இதற்கான விண்ணப்பத்தை நீச்சல் குள அலுவலகத்தில் பெற்றுக் கொள்ளலாம் என அதில் தெரிவிக்கப்பட்டுள்ளது.