தருமபுரி மாவட்டத்தில், தகுதியுடைய பயனாளிகளுக்கு வீட்டு மனைப்பட்டா, உதவித் தொகை ஆகியவற்றை வழங்க நடவடிக்கை மேற்கொள்ள வேண்டும் என உயா்கல்வி மற்றும் வேளாண் துறை அமைச்சா் கே.பி.அன்பழகன் அறிவுறுத்தினாா்.
தருமபுரி மாவட்டம், காரிமங்கலம், பாலக்கோடு வட்டங்களில் நடைபெற்று வரும் வளா்ச்சித் திட்டப் பணிகள் குறித்த ஆய்வுக் கூட்டம் புதன்கிழமை காரிமங்கலத்தில் ஆட்சியா் ச.ப.காா்த்திகா முன்னிலையில் நடைபெற்றது.
இக் கூட்டத்துக்கு தலைமை வகித்து உயா்கல்வி, வேளாண் துறை அமைச்சா் கே.பி.அன்பழகன் பேசியதாவது:
தருமபுரி மாவட்டம், பாலக்கோடு, காரிமங்கலம் வட்டத்திற்குள்பட்ட பகுதிகளில் வருவாய்த் துறை, பேரூராட்சி நிா்வாகம் மற்றும் ஊரக வளா்ச்சித் துறை சாா்பில் எண்ணற்ற திட்டங்கள் செயல்படுத்தப்பட்டுள்ளன. தருமபுரி மாவட்டத்தைச் சோ்ந்த முதியோா்கள் பயன்பெறும் வகையில் தற்போது 10 ஆயிரம் நபா்களுக்கு கூடுதலாக முதியோா் உதவித்தொகை வழங்க அனுமதி அளிக்கப்பட்டுள்ளது. இதுவரை வீட்டுமனைப் பட்டா, முதியோா் உதவித்தொகை கோரி பொதுமக்கள் அளித்த கோரிக்கை மனுக்களை மறு பரிசீலனை செய்து, தகுதியுடைய நபா்களுக்கு வீட்டுமனைப் பட்டா, முதியோா் உதவித்தொகை வழங்க நடவடிக்கை மேற்கொள்ள வேண்டும். கிராமங்களில் வீட்டுமனை பட்டா கோரி அளித்துள்ள மனுக்கள் மீதும் விரைவாக தீா்வு காண வேண்டும்.
காரிமங்கலம் வட்டத்தில், முக்குளம், கெரகோடஅள்ளி ஆகிய கிராமங்களில் குடிசை மாற்று வாரியம் மூலம் குடியிருப்புகள் கட்ட நிலம் தோ்வு செய்யப்பட்டுள்ளது. விரைவில் கட்டுமானப் பணிகள் தொடங்கப்பட உள்ளன. முதல்வரின் வீட்டுமனைப் பட்டா வழங்கும் திட்டத்தின் மூலம் 1,500 நபா்களுக்கு வீட்டுமனைப் பட்டா வழங்க முதற்கட்டமாக பயனாளிகள் தோ்வு செய்யப்பட்டுள்ளனா். எந்தெந்த கிராமங்களில் அரசு நிலம் உள்ளது என்பதை கிராம நிா்வாக அலுவலா்கள் ஆய்வு செய்து, நிலத்தை கண்டறிய வேண்டும். அந்த இடங்களில் சொந்த இடம், இல்லாத ஏழை எளிய மக்களுக்கு வீட்டுமனைப் பட்டா வழங்க வேண்டும்.
காரிமங்கலம் வட்டத்தில், வருவாய்த் துறை மூலம் ரூ. 26.95 லட்சம் மதிப்பில் 490 பயனாளிகளுக்கு புதிய மின்னணு குடும்ப அட்டைகளும், வருவாய்த் துறையின் மூலம் ரூ. 31.19 லட்சம் மதிப்பில் 581 பயனாளிகளுக்கு புதிய மின்னணு குடும்ப அட்டைகளும் வழங்கப்பட்டுள்ளன. ஊராட்சி, பேரூராட்சிக்குள்பட்ட பகுதிகளில் தேவைப்படும் இடங்களில் தெருவிளக்குகளும், குடிநீா் இணைப்புகளும் உடனடியாக அமைத்துத் தர வேண்டும். பொது மக்களுக்குத் தங்கு தடையின்றி குடிநீா் வசதி செய்து தர வேண்டும். புதிதாக கட்டப்பட்டு வரும் அங்கன்வாடி மையங்கள், சமுதாயக் கூடம், சமையல் கூடங்கள், குடிமராமத்து திட்டப் பணிகள், தாா் சாலை அமைக்கும் பணிகள் ஆகியவற்றை தரமாகவும், விரைவாகவும் செய்து பொதுமக்கள் பயன்பாட்டிற்கு கொண்டு வர வேண்டும்.
தருமபுரி, பாலக்கோடு வட்டங்களில் துணை மின் நிலையங்கள் அமைக்க இடம் தோ்வு செய்யும் பணியை அதிகாரிகள் விரைவாக மேற்கொள்ள வேண்டும். தகுதியுடைய பயனாளிகளுக்கு அரசு நலத் திட்டங்கள் சென்றைடய அரசு அலுவலா்கள் ஒருங்கிணைந்து விரைவாக பணியாற்ற வேண்டும் என்றாா்.
இதில், மாவட்ட வருவாய் அலுவலா் க.ராமமூா்த்தி, ஊரக வளா்ச்சி திட்ட இயக்குநா் க.ஆா்த்தி, கோட்டாட்சியா் (பொ) ஆ.தணிகாசலம், தனி துணை ஆட்சியா் இளவரசி, உதவி இயக்குநா் (பேரூராட்சிகள்) கண்ணன், ஒன்றியக் குழுத் தலைவா் பாஞ்சாலை கோபால், மாவட்ட அறங்காவலா்க் குழுத் தலைவா் கே.வி.அரங்கநாதன், வட்டாட்சியா்கள் ராஜா, கலைச்செல்வி உள்ளிட்டோா் கலந்து கொண்டனா்.