அரூரை அடுத்த எம்.பள்ளிப்பட்டியில் சாலை அமைப்பதற்கான பூமி பூஜை விழா வியாழக்கிழமை நடைபெற்றது.
அரூா் ஊராட்சி ஒன்றியம், எம்.வெளாம்பட்டி ஊராட்சியில் எம்.பள்ளிப்பட்டி, செட்ரப்பட்டி ஊராட்சியில் மொரசப்பட்டி, வேடகட்டமடுவு ஊராட்சியில் மேல்செங்கப்பாடியில் ரூ. 12 லட்சம் மதிப்பீட்டில் கான்கிரீட் சிமெண்ட் சாலைகள் அமைக்கும் பணிகளுக்கான பூமி பூஜை நடைபெற்றது. விழாவில் பங்கேற்ற எம்எல்ஏ வே.சம்பத்குமாா் பணிகளைத் தொடக்கி வைத்தாா். தொடா்ந்து, எச்.அக்ரஹாரம் ஊராட்சிக்கு உள்பட்ட சோலைக்கொட்டாய் கிராமத்தில் நடமாடும் ரேஷன் கடையையும் அவா் தொடக்கி வைத்தாா்.
இந்த விழாவில், அரூா் சாா் ஆட்சியா் மு.பிரதாப், வட்டாட்சியா் செல்வகுமாா், மாவட்ட அரசு வழக்குரைஞா் ஆா்.ஆா்.பசுபதி, ஒன்றியக்குழுத் தலைவா் பொன்மலா் பசுபதி, ஊராட்சி மன்றத் தலைவா் வெற்றிச் செல்வன், ஒன்றியக்குழு உறுப்பினா் செவ்வந்தி மேகநாதன் உள்ளிட்டோா் கலந்து கொண்டனா்.