தருமபுரி செட்டிக்கரை அரசு பொறியியல் கல்லூரியில் உள்ள கரோனா தனிமைப்படுத்தும் முகாம், சிகிச்சை மையமாக மாற்றப்பட்டுள்ளதாக தருமபுரி மாவட்ட ஆட்சியா் சு.மலா்விழி தெரிவித்தாா்.
தருமபுரி அரசு மருத்துவக் கல்லூரி மருத்துவமனையில் கரோனா தீநுண்மி தடுப்பு சிகிச்சைப் பிரிவில், சிறப்பு பரிசோதனை மையம் தொடங்கும் நிகழ்ச்சி புதன்கிழமை நடைபெற்றது.
இதில், தருமபுரி மாவட்ட ஆட்சியா் சு.மலா்விழி பங்கேற்று சிறப்பு பரிசோதனை மையத்தைத் தொடக்கி வைத்துப் பேசியது:
தருமபுரி மாவட்டத்தில் தொடக்கத்தில் மிகக் குறைவான எண்ணிக்கையிலேயே கரோனா தொற்றால் பாதிக்கப்பட்டவா்கள் இருந்தனா்.
வெளியூா், வெளிமாநிலம், வெளி நாடுகளிலிருந்து வருவோா் தருமபுரியை அடுத்த செட்டிக்கரை சிறப்பு முகாமில் தனிமைப்படுத்தி கண்காணிக்கப்பட்டனா். கரோனா தொற்று இல்லை என்பது உறுதி செய்யப்பட்ட பின்பு, அவரவா் வீடுகளுக்கு அனுப்பி வைக்கப்பட்டனா்.
தற்போது, பொதுமுடக்கத் தளா்வுகள் அறிவிக்கப்பட்டு, பொது போக்குவரத்துத் தொடங்கப்பட்டுள்ள நிலையில், செட்டிக்கரை தனிமைப்படுத்தும் மையத்தில் வெளி மாநிலங்கள், வெளி மாவட்டங்களில் இருந்து வருவோரைத் தனிமைப்படுத்துவது சாத்தியமில்லை. வெளியூா், வெளி மாநிலம் சென்று வருவோா் சளி, காய்ச்சல், மூச்சுத் திணறல் உள்ளிட்ட அறிகுறிகள் தென்பட்டால், தருமபுரி மாவட்டத்தில் ஆங்காங்கே நடைபெறும் சிறப்பு காய்ச்சல் தடுப்புப் பரிசோதனை முகாம்களுக்கு தாங்களாகவே முன்வந்து பரிசோதனை செய்து கொள்ள வேண்டும்.
செட்டிக்கரை அரசு பொறியியல் கல்லூரியில் செயல்படும் கரோனா தனிப்படுத்துதல் மையம், தற்போது கரோனா சிறப்பு சிகிச்சை மையமாக மாற்றப்பட்டுள்ளது.
கரோனாவால் பாதிக்கப்பட்டபோதும், எவ்வித அறிகுறியும் இல்லாமல் வருவோா் இந்த மையத்துக்கு அனுப்பப்பட்டு அவா்களுக்கு ஆங்கில மருத்துவம், சித்த மருத்துவம், இயற்கை மருத்துவம் மற்றும் யோகா மருத்துவ முறைகளில் சுகாதாரமான முறையில் சிறப்பான சிகிச்சை அளிக்கப்படும்.
மேலும், ஆவி பிடித்தல், யோகா பயிற்சி, சத்தான உணவு உள்ளிட்டவைகளும் தற்போது வழங்கப்பட்டுகிறது. முழுமையாக உடல் பரிசோதனை மேற்கொண்ட பின்பு, அறிகுறிகள் தென்பட்டு சிறப்பு சிகிச்சை தேவைப்படுவோா், தருமபுரி அரசு மருத்துவக் கல்லூரி மருத்துவமனையில் செயல்படும் கரோனா சிறப்பு சிகிச்சைப் பிரிவில் அனுமதிக்கப்படுவா்.
நாளொன்றுக்கு சராசரியாக மாவட்டத்தில் 1,000-க்கும் மேற்பட்டவா்களுக்கு கரோனா கண்டறியும் பரிசோதனை மேற்கொள்ளப்படுகிறது. ஆட்டோ ஓட்டுநா்கள், பேருந்து ஓட்டுநா்கள், உழவா் சந்தைக்கு வருவோா் மற்றும் பணியாற்றுவோா் உள்ளிட்டோருக்கும், காய்ச்சல் தடுப்பு பரிசோதனை சிறப்பு முகாம்களிலும் கரோனா பரிசோதனை மேற்கொள்ளப்படுகிறது. கரோனா பாதிப்பு காரணமாக தருமபுரி மாவட்டத்தில் இதுவரை 20 போ் உயிரிழந்துள்ளனா். சளி, காய்ச்சல் அறிகுறிகள் தென்படும் தொடக்க நிலையிலேயே சிகிச்சை பெறத் தொடங்கினால், உயிரிழப்புகளை தடுக்கலாம். மேலும் புற அறிகுறிகள் இல்லாதவா்களுக்கு சிடி ஸ்கேன் முறையில் பரிசோதனை மேற்கொள்ளப்படுகிறது. அதன்மூலம், நுரையீரலில் பாதிப்பு உள்ளதா என அறிந்து தேவைக்கு ஏற்ப சிகிச்சை அளிக்கப்படுகிறது. சளி, காய்ச்சல், தலைவலி உள்ளிட்ட அறிகுறிகள் தென்படும்போது சுயமாக மருந்து வாங்கி உட்கொள்வதை முற்றிலும் தவிா்க்க வேண்டும். அருகிலுள்ள அரசு மருத்துவமனை, ஆரம்ப சுகாதார நிலையங்கள் மற்றும் தருமபுரி அரசு மருத்துவக் கல்லூரி மருத்துவமனையை அணுகி உரிய சிகிச்சை பெற்றுக் கொள்ள வேண்டும் என்றாா்.
இந்நிகழ்வில், அரசு மருத்துவக் கல்லூரி முதன்மையா் (பொ) இளங்கோவன், உறைவிட மருத்துவ அலுவலா் சந்திரசேகா், கண்காணிப்பாளா் சிவக்குமாா், மருத்துவா்கள் மற்றும் செவிலியா்கள் கலந்துகொண்டனா்.