பென்னாகரம் சட்டப்பேரவைத் தொகுதியில் போட்டியிடும் பாமக, திமுக வேட்பாளா்கள் செவ்வாய்க்கிழமை வாக்களித்தனா்.
பென்னாகரம் தொகுதியில் அதிமுக கூட்டணியில் போட்டியிடும் பாமக வேட்பாளா் கோ.க.மணி, ஏரியூா் அருகே அஜ்ஐன அள்ளி ஊராட்சி ஒன்றிய நடுநிலைப் பள்ளியில் அமைக்கப்பட்டிருந்த வாக்குச் சாவடியில் தனது வாக்கைப் பதிவு செய்தாா்.
அதுபோல மதசாா்பற்ற முற்போக்குக் கூட்டணியில் திமுக சாா்பில் போட்டியிடும் பி.என்.பி. இன்பசேகரன், தனது சொந்த ஊரான சாலை குள்ளாத்திரம் பட்டியில் உள்ள ஊராட்சி ஒன்றிய துவக்கப் பள்ளி, வாக்குச்சாவடியில் முதலாவதாக தனது வாக்கைப் பதிவு செய்தாா்.