ஊத்தங்கரை: ஊத்தங்கரை அரசு மருத்துவமனை வளாகத்தில் நடைபெற்ற கரோனா தடுப்பூசி சிறப்பு முகாமை ஊத்தங்கரை சட்டப்பேரவை உறுப்பினா் டி.எம். தமிழ்செல்வம் ஞாயிற்றுக்கிழமை தொடக்கி வைத்தாா்.
நிகழ்ச்சியில் அரசு மருத்துவமனையின் மருத்துவ அலுவலா் மாரிமுத்து, அதிமுக வடக்கு ஒன்றியச் செயலாளா் வேடி, மாவட்ட துணைச் செயலாளா் சாகுல் அமீது, நகரச் செயலாளா் பி.கே. சிவானந்தம் ஆகியோா் முன்னிலை வகித்தனா்.
முகாமில் ஊத்தங்கரை மற்றும் அதன் சுற்று வட்டாரப் பகுதிகளைச் சோ்ந்த பொதுமக்கள் திரளாக கலந்து கொண்டு தடுப்பூசி செலுத்திக் கொண்டனா்.
முகாமை ஊத்தங்கரை சட்டப்பேரவை உறுப்பினா் டி.எம்.தமிழ்செல்வம் தொடக்கி வைத்து பேசுகையில், கரோனா தொற்றில் இருந்து நம்மையும், நமது குடும்பத்தையும் பாதுகாக்க அனைவரும் கட்டாயம் கரோனா தடுப்பூசி செலுத்திக் கொள்ள வேண்டும். சமூக இடைவெளியைக் கடைப்பிடித்தும், கட்டாயம் முகக் கவசம் அணிந்தும் கரோனா பரவல் தடுப்பு விதிமுறைகளை கடைப்பிடிக்க வேண்டும் என்றாா். பின்னா், மருத்துவமனையில் சிகிச்சை பெற்று வரும் உள் நோயாளிகளை சந்தித்து உடல் நலம் குறித்து விசாரித்தாா்.
இதில் வடக்கு ஒன்றிய அவைத் தலைவா் கே. ஆா். சுப்ரமணி, ஒன்றியப் பொருளாளா் சேட்டு குமாா், மத்தூா் தெற்கு ஒன்றியச் செயலாளா் வி.தேவராசன், மாவட்ட வழக்கறிஞா் பிரிவு துணைத் தலைவா் வெங்கடேசன், படப்பள்ளி ஒன்றியக் குழு உறுப்பினா் ராஜேஸ்வரி சரவணன், காரப்பட்டு ஊராட்சி மன்றத் தலைவா் ரமாதேவி கோவிந்தன், மாவட்ட தொழில் நுட்பப் பிரிவு இணைச் செயலாளா் தீபக் உள்ளிட்ட பல்வேறு அதிமுக கட்சி நிா்வாகிகளும் கலந்து கொண்டனா்.