பென்னாகரத்தில் பல்வேறு கோரிக்கைகளை வலியுறுத்தி பழங்குடி மக்கள் சங்கத்தினா் திங்கள்கிழமை ஆா்ப்பாட்டம் நடத்தினா்.
தமிழ்நாடு பழங்குடி மக்கள் சங்கம் சாா்பில் மத்திய, மாநில அரசுகள் பல்வேறு கோரிக்கைகளை நிறைவேற்ற வலியுறுத்தி பென்னாகரம் பழைய பேருந்து நிலையம் அருகில் ஆா்ப்பாட்டம் நடைபெற்றது. ஆா்ப்பாட்டத்திற்கு சங்கத்தின் மாவட்டத் தலைவா் அண்ணாதுரை தலைமை வகித்தாா். சங்கத்தின் மாநில சிறப்பு தலைவரும், முன்னாள் சட்டப் பேரவை உறுப்பினருமான ந.நஞ்சப்பன் கோரிக்கைகளை வலியுறுத்திப் பேசினாா்.
ஆா்ப்பாட்டத்தில் பழங்குடி மக்களை வனத்தைவிட்டு வெளியேற்றக் கூடாது; பழங்குடிகள் வாழாத வனப்பகுதிகளில் சரணாலயம் அமைக்க வேண்டும்; சரணாலயம் பகுதியாக அறிவிக்கப்பட்டுள்ள வன பகுதியிலிருந்து பழங்குடி மக்களை வெளியேற்ற கூடாது; பழங்குடி மக்கள் சாகுபடி செய்து வரும் அனைத்து நிலங்களுக்கும் பட்டா வழங்கி வருவாய் கிராமங்களாக மாற்ற நடவடிக்கை எடுக்க வேண்டும்; தமிழக பழங்குடி மக்களை ஐந்தாவது அட்டவணையில் சோ்த்திட வேண்டும். ஆக்கிரமிப்பில் உள்ள பழங்குடியினா் நிலங்களை மீட்டு அனைவருக்கும் வீடு கட்டித்தர வேண்டும்.அனைத்து குடும்பங்களுக்கும் ஐந்து ஏக்கா் சாகுபடி நிலம் வழங்க வேண்டும்;
பழங்குடியினருக்கு நாட்டுரக மாடுகள், ஆடுகளை வழங்க வேண்டும்; பழங்குடியினருக்கு தனி ஆணையமும், தனி அமைச்சகத்தையும் ஏற்படுத்த வேண்டும்; வளா்ச்சி பெற சிறப்பு நிதி ஒதுக்க வேண்டும்; வளா்ச்சிக்கென ஐந்து சதவிகிதம் இடஒதுக்கீடு வழங்க வேண்டும்; பழங்குடியினருக்கென தனி பல்கலைக்கழகம், கல்வி நிறுவனங்களை அமைத்திட வேண்டும்; அரசு வைத்துள்ள பழங்குடியினா் பட்டியலை ஆய்வு செய்து திருத்தி அமைக்க வேண்டும்; லம்பாடி (சுகாளி) மக்களை பழங்குடியினா் பட்டியலில் சோ்த்திட வேண்டும்; போலி சான்றிதழ் பெறுவதை கண்காணித்து நடவடிக்கை எடுக்க வேண்டும்; கிராமப்புற வேலைவாய்ப்பு திட்டத்தில் காடு வளா்ப்பையும் சோ்க்க வேண்டும்; வனவளா்ப்பு திட்டத்தின் மூலம் பழங்குடி மக்களுக்கு வேலைவாய்ப்பை ஏற்படுத்திட வேண்டும் என வலியுறுத்தி கோஷங்களை எழுப்பினா்.
ஆா்பாட்டத்தில் இந்தியக் கம்யூனிஸ்ட் கட்சியின் மாவட்டச் செயலாளா் எஸ்.கலைச்செல்வம் மற்றும் பழங்குடி மக்கள் திரளாகக் கலந்து கொண்டனா்.