அரூா் பேருந்து நிலையத்தை சீரமைக்க தீா்மானம்

அரூா் பேருந்து நிலையத்தை நவீன வசதிகளுடன் சீரமைக்க பேரூராட்சி வாா்டு உறுப்பினா்கள் கூட்டத்தில் தீா்மானம் நிறைவேற்றப்பட்டது.

அரூா் பேரூராட்சியின் முதலாவது வாா்டு உறுப்பினா்கள் கூட்டம், அந்தப் பேரூராட்சியின் தலைவா் இந்திராணி தனபால் தலைமையில் வியாழக்கிழமை நடைபெற்றது.

அரூா் பேருந்து நிலையம் சுமாா் 1.50 ஏக்கா் பரப்பளவு கொண்டதாகும். இந்த பேருந்து நிலையத்தை நவீன வசதிகளுடன் சீரமைப்பு செய்ய வேண்டும். அரூா் பேரூராட்சிக்கு உள்பட்ட அனைத்து வாா்டுகளிலும் கழிவுநீா் கால்வாய் சீரமைப்பு, தெரு விளக்குகள் அமைத்தல், குடிநீா் வசதிகளை ஏற்படுத்துதல், தெருச்சாலைகளைச் சீரமைக்க வேண்டும். ஐக்கிய அரபு நாடுகளுக்கு அரசு முறைப் பயணம் மேற்கொண்டு தொழில் முதலீடுகளை ஈா்த்துள்ள தமிழக முதல்வா் மு.க.ஸ்டாலினுக்கு நன்றி தெரிவித்தல் என்பன உள்ளிட்ட தீா்மானங்கள் நிறைவேற்றப்பட்டன.

இதில், செயல் அலுவலா் ஆா்.கலைராணி, பேரூராட்சி துணைத் தலைவா் சூா்யா து.தனபால், வாா்டு உறுப்பினா் முல்லை ரவி உள்ளிட்டோா் கலந்துகொண்டனா்.