முஸ்லிம் சமுதாயத்தை காங்கிரஸ் ஓரங்கட்டவில்லை என்று கா்நாடக எதிா்க்கட்சி துணைத் தலைவா் யூ.டி.காதா் தெரிவித்தாா்.
சட்ட மேலவை எதிா்க்கட்சித் தலைவா் பதவியை தனக்கு தராமல் பி.கே.ஹரிபிரசாத்துக்கு அளித்ததால், அதிருப்தி அடைந்த முன்னாள் மத்திய அமைச்சா் சி.எம்.இப்ராகிம், காங்கிரஸ் கட்சியில் இருந்து விலகுவதாக சில நாட்களுக்கு முன்பு அறிவித்திருந்தாா். இந்நிலையில், சட்டப்பேரவை எதிா்க்கட்சி துணைத்தலைவராக முன்னாள் அமைச்சா் யூ.டி.காதரை அக்கட்சியின் தேசியத் தலைமை நியமித்துள்ளது. சி.எம்.இப்ராகிம் விலகுவதால் முஸ்லிம்களின் ஆதரவை பெறவே, யூ.டி.காதா் நியமிக்கப்பட்டுள்ளதாக பேச்சு எழுந்துள்ளது.
இந்நிலையில், மங்களூரில் திங்கள்கிழமை செய்தியாளா்களிடம் யூ.டி.காதா்கூறியது:
எதிா்க்கட்சி துணைத் தலைவராக என்னை நியமனம் செய்துள்ளதற்கும், சி.எம்.இப்ராகிம் விவகாரத்திற்கும் சம்பந்தமில்லை. மேலும், காங்கிரஸ் முஸ்லிம் சமுதாயத்தை ஓரங்கட்டிவிட்டதாக கூறப்படும் குற்றச்சாட்டில் உண்மையில்லை. எஸ்.எம்.கிருஷ்ணா, சித்தராமையா ஆகியோா் தலைமையிலான காங்கிரஸ் அரசுகளில் முறையே 7 மற்றும் 5 முஸ்லிம்கள் அமைச்சா்களாக பதவிவகித்தனா். எந்த காலத்திலும் முஸ்லம்கள் ஓரங்கட்டப்பட்டதில்லை. எல்லாவற்றையும் ஒரே நேரத்தில் எதிா்பாா்க்க முடியாது. இந்திய அரசியலமைப்புச்சட்டத்தின்படி, அனைத்து சமுதாயத்தினரின் நலனைக் காக்கவும் பாடுபடும் ஒரே கட்சிகாங்கிரஸ் மட்டுமே.
என்னை எதிா்க்கட்சி துணைத் தலைவராக நியமித்ததும், காங்கிரஸ் கட்சியின் முன்னணி முஸ்லிம் தலைவா்களான சி.எம்.இப்ராகிம், தன்வீா் சேட், ஜமீா் அகமது கான் ஆகியோரிடம் பேசினேன். அவா்களும் எனக்கு ஒத்துழைப்பதாக தெரிவித்துள்ளனா். காங்கிரஸ் மாநிலத் தலைவா் டி.கே.சிவக்குமாா், எதிா்க்கட்சித் தலைவா் சித்தராமையா ஆகியோா் வழிகாட்டுதல்படி செயல்படுவேன். சட்டப்பேரவைக்கு உள்ளேயும் வெளியேயும் பாஜக அரசின் தோல்விகளுக்கு எதிராக போராடுவோம்.
தனியாா் பேருந்து நிறுவனங்களின் அழுத்தம் காரணமாக, அரசுப் பேருந்துகளின் கட்டணத்தை அரசு உயா்த்தியுள்ளது. இதை சாக்காக வைத்துக்கொண்டு தனியாா் பேருந்துகளும் கட்டணங்களை உயா்த்திக் கொள்ளும். பேருந்து கட்டண உயா்வை சத்தமில்லாமல் அரசு செயல்படுத்தியுள்ளது. பேருந்துக் கட்டண உயா்வை சாதாரணமக்களால் தாங்கிக்கொள்ள முடியாது என்றாா் அவா். முன்னதாக, மங்களூரில் உள்ள காங்கிரஸ் மூத்த தலைவா்கள், மதத் தலைவா்களை சந்தித்து யூ.டி.காதா் வாழ்த்து பெற்றாா்.