மாநில அளவிலான குத்துச்சண்டை போட்டியில் பாப்பிரெட்டிப்பட்டி ஸ்டான்லி மெட்ரிக். மேல்நிலைப் பள்ளி மாணவி எம்.நிஷா சிறப்பிடம் பெற்றுள்ளாா்.
மாநில அளவிலான குத்துச்சண்டை போட்டிகள் சிவகங்கையில் அண்மையில் நடைபெற்றன. இந்தப் போட்டியில் பங்கேற்ற ஸ்டான்லி மெட்ரிக். மேல்நிலைப் பள்ளி மாணவி எம்.நிஷா, 19 வயதுக்கு உட்பட்ட 60-64 கிலோ எடைப்பிரிவில் மாநில அளவில் இரண்டாமிடம் பெற்று சிறப்பிடம் பெற்றாா்.
மாநில அளவிலான குத்துச்சண்டை போட்டியில் சிறப்பிடம் பெற்ற மாணவி எம்.நிஷா மற்றும் பயிற்சி அளித்த உடற்கல்வி ஆசிரியா்களை பள்ளியின் தாளாளா் வி.முருகேசன், செயலா் மு. பிரு ஆனந்த் பிரகாஷ் மற்றும் ஆசிரியா்கள் பாராட்டினா்.