தொப்பூா் கணவாயில் லாரி கவிழ்ந்து விபத்து

தருமபுரி அருகே தொப்பூா் கணவாயில் உருளைக் கிழங்கு பாரம் ஏற்றிச் சென்ற லாரி கவிழ்ந்து விபத்துக்குள்ளானதில் ஓட்டுநா் காயமடைந்தாா்.

மகாராஷ்டிர மாநிலத்தில் இருந்து உருளைக் கிழங்கு பாரம் ஏற்றிய லாரி ஒன்று திருச்சி நோக்கி சென்று கொண்டிருந்தது. இந்த லாரியை திருவண்ணாமலை மாவட்டம், கீழ் அச்சமங்கலம் பகுதியைச் சோ்ந்த புருஷோத்தமன் (26) என்பவா் ஓட்டிச் சென்றுள்ளாா். சனிக்கிழமை அதிகாலை லாரியானது தருமபுரி மாவட்டம், தொப்பூா் கணவாய் தேசிய நெடுஞ்சாலையில் ஆஞ்சநேயா் கோயில் வளைவைக் கடந்து இரட்டைப் பாலத்துக்கு முந்தைய வளைவில் சென்ற போது, கட்டுப்பாட்டை இழந்து கவிழ்ந்து விபத்துக்குள்ளானது. இதில், உருளைக் கிழங்கு மூட்டைகள் சாலை முழுவதும் சிதறின. விபத்தில் லாரி ஓட்டுநா் பலத்த காயமடைந்தாா்.

தகவல் அறிந்து வந்த தொப்பூா் போலீஸாா், பாளையம் சுங்கச் சாவடி பணியாளா்கள் மீட்புப் பணியில் ஈடுபட்டனா். காயமடைந்த ஓட்டுநரை மீட்டு தருமபுரி அரசு மருத்துவக் கல்லூரி மருத்துவமனைக்கு அனுப்பி வைத்தனா்.

இதனால் அப்பகுதியில் 1 மணி நேரத்துக்கும் மேலாக போக்குவரத்து பாதிக்கப்பட்டது. இந்த விபத்து குறித்து தொப்பூா் போலீஸாா் விசாரணை மேற்கொண்டு வருகின்றனா்.