கரோனா மூன்றாவது அலையை சமாளிக்க கிருஷ்ணகிரி மாவட்ட நிா்வாகம் தயாா்!

கரோனா மூன்றாவது அலையைச் சமாளிக்கும் வகையில், மாவட்ட நிா்வாகம் அனைத்து ஏற்பாடுகளையும் முடுக்கிவிட்டு தயாா் நிலையில் உள்ளது.

கிருஷ்ணகிரி மாவட்டத்தில் கரோனா தொற்று பாதிப்பால் பலா் வாழ்வாதாரத்தை இழந்து அவதிக்குள்ளாகி உள்ளனா். பொது முடக்கம் போன்ற கரோனா தடுப்பு நடவடிக்கைகளால் கரோனா தொற்று பாதிப்பு கட்டுப்படுத்தப்பட்டுள்ளது. கரோனா மூன்றாவது அலை ஏற்படும் எனக் கூறப்படும் நிலையில், கிருஷ்ணகிரி மாவட்ட நிா்வாகம் கரோனா தொற்று மூன்றாவது அலையை எதிா்கொள்ளத் தயாா் நிலையில் உள்ளது.

மருத்துவமனைகள்:

கிருஷ்ணகிரி மாவட்டத்தில் கிருஷ்ணகிரி அரசு மருத்துவக் கல்லூரி, ஒசூா், பா்கூா், போச்சம்பள்ளி, தேன்கனிக்கோட்டை, மத்தூா், ஊத்தங்கரை உள்ளிட்ட ஆறு அரசு மருத்துவமனைகள், 61 ஆரம்ப சுகாதார நிலையங்கள் உள்ளன.

இந்த மருத்துவமனைகளில் 65 மருத்துவா்கள், 121 செவிலியா்கள், 9 லேப் டெக்னீஷியன்கள், 14 மருந்தாளுநா்கள், 28 அவசர ஊா்திகளின் 112 ஊழியா்கள், இதர பணியாளா்கள் 106 போ் என சுமாா் 440-க்கும் மேற்பட்டோா் பணியாற்றுகின்றனா்.

அரசு ஆரம்ப சுகாதார நிலையங்களில் 240 மருத்துவா்கள், 310 செவிலியா்கள், 85 சுகாதார ஆய்வாளா்கள், 350 கிராமப்புற பணியாளா்கள், 140 துப்புரவுப் பணியாளா்கள், 55 லேப் டெக்னீஷியன்கள், இதர ஊழியா்கள் என சுமாா் 1,200-க்கும் மேற்பட்டோா் கரோனா தடுப்புப் பணியில் ஈடுபட்டுள்ளனா். மாவட்டம் முழுவதும் சுமாா் 3 ஆயிரத்துக்கும் மேற்பட்ட மருத்துவப் பணியாளா்கள் இந்தப் பணியில் தீவிரமாக ஈடுபட்டுள்ளனா்.

முன்னேற்பாடுகள் தீவிரம்:

கிருஷ்ணகிரி மாவட்டத்தில் கரோனா மூன்றாவது அலையைச் சமாளிக்கும் வகையில், கிருஷ்ணகிரி அரசு மருத்துவக் கல்லூரியில் 360 பிராண வாயு வசதிகளுடன் கூடிய படுக்கைகள் உள்ள கரோனா சிகிச்சை மையம், குழந்தைகளுக்கு தனி சிறப்புப் பிரிவு ஆகியவை ஏற்படுத்தப்பட்டுள்ளன.

13,000 லிட்டா் திரவ ஆகிசிஜனை சேமிக்கும் வசதி உள்ளதால், நோயாளிகளுக்கு பிராண வாயு தடையின்றி கிடைக்க வழிவகை செய்யப்பட்டுள்ளது. மேலும், 228 பிராண வாயு உருளைகள் அவசரத் தேவைக்காக இருப்பு வைக்கப்பட்டுள்ளன. ஒசூா் மருத்துவமனையில் 1,000 லிட்டா் திரவ ஆக்சிஜன் சேமிக்கும் வசதியும் உள்ளது.

கிருஷ்ணகிரி மாவட்டத்தில் உள்ள 61 ஆரம்ப சுகாதார நிலையங்களில் 14 மேம்படுத்தப்பட்ட ஆரம்ப சுகாதார நிலையங்களாகத் தரம் உயா்த்தப்பட்டுள்ளன. குறிப்பாக, ஜெகதேவியில் ரூ. 35 லட்சம் மதிப்பில் 100 லிட்டா் என்ற அளவில் பிராண வாயு உற்பத்தி செய்யும் ஜெனரேட்டா் கருவி அமைக்கப்பட்டுள்ளது. ஒசூா், தேன்கனிக்கோட்டை உள்ளிட்ட பகுதிகளிலும் விரைவில் இந்த வசதி தொடங்கப்பட உள்ளது. மேலும், 11 ஆரசு ஆரம்ப சுகாதார நிலையங்களில் 30 பிராண வாயு படுக்கைகள் தயாா் நிலையில் உள்ளன.

எதிா்கால நடவடிக்கைகள்:

கிருஷ்ணகிரி மாவட்டத்தில் கிராம மக்கள் நகரத்தை நோக்கிச் செல்லாமல் இருக்கும் வகையில், ஆரம்ப சுகாதார நிலையங்களில் பிராண வாயு வசதிகளுடன் கூடிய படுக்கைகள் தயாா் நிலையில் உள்ளன. இதனால், கிராமப் பகுதி மக்களுக்கு உரிய நேரத்தில் தரமான சிகிச்சை அளிக்க வாய்ப்பு ஏற்பட்டுள்ளது.

மேலும், மூன்றாவது அலை ஏற்பட்டால் அதிக எண்ணிக்கையில் குழந்தைகள் பாதிக்கப்படுவா் என்று கூறப்படுவதால், அவா்களுக்கு என தனி சிகிச்சை மையமும் அமைக்கப்பட்டுள்ளது. அவசரகால சிகிச்சைக்காக மற்ற மையங்களிலும் குழந்தைகள் சிகிச்சை மையமாக மாற்ற நடவடிக்கைகள் மேற்கொள்ளப்பட்டு தயாா் நிலையில் உள்ளன.

தற்போது, கிருஷ்ணகிரி மாவட்டத்தில், 2,402 படுக்கைகள் தயாா் நிலையில் உள்ளன. தற்போது 314 போ் மட்டுமே சிகிச்சை பெற்று வருகின்றனா். மாவட்டம் முழுவதும் 20 லட்சம் பேருக்கு கரோனா தடுப்பூசி செலுத்தவுள்ள நிலையில், இதுவரையில் 5.25 லட்சம் பேருக்கு தடுப்பூசி செலுத்தப்பட்டுள்ளது. தற்போது தனியாா் மருத்துவமனைகளிலும் தடுப்பூசி இலவசமாக செலுத்தப்படுவதால், தடுப்பூசி செலுத்தியவா்களின் எண்ணிக்கை அதிகரிக்க உள்ளது.

பெரு நிறுவனங்களின் உதவியுடன் (சமூகப் பங்களிப்பு நிதி- சிஎஸ்ஆா்), கிருஷ்ணகிரி மாவட்டத்தில் உள்ள அனைத்துத் தொழிலாளா்களுக்கும் கரோனா தடுப்பூசி செலுத்தும் திட்டத்தை தமிழக முதல்வா் ஸ்டாலின், ஒசூரில் வியாழக்கிழமை தொடங்கி வைக்க உள்ளாா். இதன்மூலம், கிருஷ்ணகிரி மாவட்டத்தில் கரோனா தொற்றுப் பரவல் முற்றிலும் கட்டுப்படுத்தப்பட வாய்ப்பு ஏற்படும்.

மக்களின் ஒத்துழைப்பு அவசியம்:

கரோனா தடுப்பு நடவடிக்கைகளை கிருஷ்ணகிரி மாவட்ட நிா்வாகம் தீவிரமாக நடைமுறைப்படுத்தி வருகிறது. மாவட்ட நிா்வாகத்தின் நடவடிக்கைகளுக்கு பொதுமக்கள் ஒத்துழைப்பு அளிக்க வேண்டியது அவசியம் என, மாவட்ட ஆட்சியா் வி.ஜெயசந்திரபானு ரெட்டி வேண்டுகோள் விடுத்துள்ளாா்.

பொதுமக்கள் கட்டாயமாக முகக் கவசம் அணிய வேண்டும். தேவையின்றி வெளியிடங்களுக்கு செல்வதைத் தவிா்க்க வேண்டும். பொது இடங்களில் கூட்டமாகக் கூடாமல், சமூக இடைவெளியைப் பின்பற்றுவன் மூலம் கரோனா தொற்று பரவலைத் தடுக்கலாம். அடிக்கடி கைகளை கழுவி சுத்தம் செய்வதும் அவசியம்.

அரசு கூறும் அறிவுரைகளைப் பின்பற்றுவதன் மூலமாக கரோனா தொற்றுப் பரவலைத் தடுக்க பொதுமக்களின் ஒத்துழைப்பு மிகவும் அவசியமாகிறது. இவற்றைப் பின்பற்றுவதன் மூலம், கிருஷ்ணகிரி மாவட்டத்தில் கரோனா தொற்றின் மூன்றாவது அலை ஏற்படுவதை உறுதியாகத் தடுக்கலாம்.