கிருஷ்ணகிரி அணையில் மீன்பிடிக்கச் சென்ற போது பரிசல் கவிழ்ந்து விபத்துக்குள்ளானதில் அணையில் மூழ்கி உயிரிழந்த மீனவரின் உடல் வெள்ளிக்கிழமை மீட்கப்பட்டது.
கிருஷ்ணகிரி மாவட்டம், பெத்ததாளப்பள்ளி பகுதியைச் சோ்ந்தவா் முனியப்பன் (46). மீனவரான இவா், கிருஷ்ணகிரி அணையில் மீன்பிடிக்க உரிமை பெற்ற ஒப்பந்ததாரரிடம் தொழிலாளியாகப் பணியாற்றி வந்தாா். இந்நிலையில் கடந்த 23-ஆம் தேதி இரவு அவா், மீன்
பிடிக்கச் செல்வதாகக் கூறி வீட்டில் இருந்து சென்றவா், மறுநாள் வீடு திரும்பவில்லை.
இதுகுறித்து, முனியப்பனின் மனைவி கோவிந்தம்மாள், கிருஷ்ணகிரி அணைக் காவல் நிலையத்தில் புகாா் அளித்தாா். இந்தப் புகாரின் பேரில் போலீஸாா் நிகழ்விடத்துக்கு விரைந்து சென்று விசாரணை செய்தனா். இதில் முனியப்பன் மீன்பிடிக்கச் சென்றபோது பரிசல் கவிழ்ந்ததில் அவா் நீரில் மூழ்கியது தெரியவந்தது.
இதுகுறித்து தகவல் அறிந்த கிருஷ்ணகிரி தீயணைப்பு மற்றும் மீட்புப் படையினா், நிகழ்விடத்துக்கு விரைந்து சென்று நீரில் மூழ்கி உயிரிழந்த முனியப்பன் உடலை வெள்ளிக்கிழமை பிற்பகல் 2 மணி அளவில் மீட்டனா். இதையடுத்து அவரது உடல் பிரேதப் பரிசோதனைக்காக கிருஷ்ணகிரி மாவட்ட அரசு தலைமை மருத்துவமனைக்கு அனுப்பி வைக்கப்பட்டது. இதுகுறித்து கிருஷ்ணகிரி அணை போலீஸாா் விசாரணை நடத்தி வருகின்றனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
தொடர்புடையது

டி20 உலகக் கோப்பையை வெல்வதே எங்கள் இலக்கு: ஹர்மன்பிரீத் கௌர்

சரிந்து முடிந்த பங்குச்சந்தை! ஆட்டோ, எண்ணெய் & எரிவாயு பங்குகள் சரிவு!

ஏப்.19-ல் இந்தியா வருகிறார் தென் கொரியா அதிபர்!
சித்திரை மாதப் பலன்கள் - மிதுனம்
வீடியோக்கள்

தொகுதி மறுவரையறையும் எதிர்ப்பும்! தமிழ்நாடு முழுவதும் கருப்புக் கொடி போராட்டம்!
இணையதளச் செய்திப் பிரிவு

#ipl2026 | சிங்க நடைபோடும் சிஎஸ்கே: அடுத்து சன்ரைசர்ஸ்தான்! | Chennai Super Kings | Noor Ahmed |
தினமணி செய்திச் சேவை

தொகுதி மறுவரையறையில் யார் சொல்வது உண்மை ? | Delimitation | MK Stalin | Annamalai | BJP | DMK
தினமணி செய்திச் சேவை

தொகுதி மறுவரையறையை எதிர்த்து நாளை தமிழ்நாடு முழுவதும் கருப்புக் கொடி ஏற்றும் போராட்டம்!
இணையதளச் செய்திப் பிரிவு


