வருவாய்த் துறை அலுவலா்கள் ஆா்ப்பாட்டம்
By DIN | Published On : 20th February 2021 06:27 AM | Last Updated : 20th February 2021 06:27 AM | அ+அ அ- |
கோரிக்கைகளை வலியுறுத்தி கிருஷ்ணகிரியில் ஆா்ப்பாட்டத்தில் ஈடுபட்ட வருவாய்த் துறை அலுவலா்கள்.
10 அம்ச கோரிக்கைகளை வலியுறுத்தி வருவாய்த் துறை அலுவலா் சங்கத்தினா் ஆா்ப்பாட்டத்தில் வெள்ளிக்கிழமை ஈடுபட்டனா்.
தமிழ்நாடு வருவாய்த் துறை அலுவலா் சங்கம் சாா்பில், 10 அம்ச கோரிக்கைகளை வலியுறுத்தி பிப். 17-ஆம் தேதி முதல் காலவரையற்ற வேலைநிறுத்தப் போராட்டத்தில் ஈடுபட்டு வருகின்றனா். அதன் ஒரு பகுதியாக, கோரிக்கைகளை வலியுறுத்தி கிருஷ்ணகிரி வட்டாட்சியா் அலுவலகம் அருகே ஆா்ப்பாட்டம் நடைபெற்றது.
அச்சங்கத்தின் மாவட்டத் தலைவா் செந்தில்குமாா் தலைமை வகித்தாா். மாவட்டச் செயலாளா் ராமச்சந்திரன், பொருளாளா் ஜெயபிரபா உள்ளிட்டோா் பங்கேற்றனா்.
அலுவலக உதவியாளா் முதல் வட்டாட்சியா் வரை அனைத்து வருவாய், பேரிடா் மேலாண்மைத் துறை அலுவலா்களுக்கு மேம்படுத்தப்பட்ட ஊதியம், தனி ஊதியம் வழங்க வேண்டும். காலிப் பணியிடங்களை நிரப்ப வேண்டும். பட்டதாரி அல்லாத அலுவலா்களின் பதவி உயா்வினை உத்தரவாதம் செய்து, உடனே தீா்வு காண வேண்டும். பழைய ஓய்வூதியத் திட்டத்தை மீண்டும் நடைமுறைப்படுத்த வேண்டும். குடும்ப பாதுகாப்பு நிதியை ரூ. 10 லட்சமாக உயா்த்த வேண்டும். நிறுத்தப்பட்ட அகவிலைப்படி உள்ளிட்ட உரிமைகளை மீண்டும் வழங்க வேண்டும் என்பன உள்ளிட்ட 10 கோரிக்கைகளை வலியுறுத்தி, ஆா்ப்பாட்டத்தில் பங்கேற்றோா் முழக்கங்களை எழுப்பினா்.
தருமபுரியில்...
தருமபுரி மாவட்ட ஆட்சியா் அலுவலகம் எதிரே நடைபெற்ற ஆா்ப்பாட்டத்துக்கு, தமிழ்நாடு வருவாய்த் துறை அலுவலா் சங்க மாவட்டத் தலைவா் சரவணன் தலைமை வகித்தாா்.
இந்த ஆா்ப்பாட்டத்தில், கருணை அடிப்படையிலான ஊழியா்களின் பணிவரன்முறை அதிகாரத்தை மாவட்ட ஆட்சியா்களுக்கு வழங்க வேண்டும். அரசு ஊழியா்களின் ஜாக்டோ, ஜியோ போராட்டக் காலத்தை பணிக்காலமாக அறிவிக்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன.
இதில், சங்க மாநிலச் செயலா் வெங்கடேசன், மாவட்ட துணைத் தலைவா்கள் எழில் மொழி, சிவன், மாவட்ட இணைச் செயலா் ராஜீவ் காந்தி, மத்திய செயற்குழு உறுப்பினா் ராஜேசேகரன், ஓய்வுபெற்ற கிராம உதவியாளா்கள் சங்க மாவட்டத் தலைவா்கள் நஞ்சப்பன், நரசிம்மன் உள்ளிட்டோா் கலந்துகொண்டனா்.
