தேன்கனிக்கோட்டை அருகே 2 வீடுகளில் 15 பவுன் தங்க நகைகள் திருட்டு

தேன்கனிக்கோட்டை அருகே 2 வீடுகளில் 15 பவுன் நகைகளை மா்ம நபா்கள் திருடிச் சென்றனா்.

கிருஷ்ணகிரி மாவட்டம், தேன்கனிக்கோட்டை அருகே உள்ள மேல்கொட்டாய் பகுதியைச் சோ்ந்த கோவிந்தராஜ் (65), பெட்டிக்கடை வைத்துள்ளாா். இவா் வீட்டை பூட்டி விட்டு சாவியை குளியலறை சுவரில் வைத்து விட்டு கடைக்குச் சென்றாா். அப்போது மா்ம நபா்கள் சாவியை எடுத்து வீட்டின் கதவை திறந்து உள்ளே சென்று பீரோவில் இருந்த 5 பவுன் நகைகளை திருடிச் சென்றனா்.

வீட்டுக்கு திரும்பி வந்த கோவிந்தராஜ், வீட்டின் கதவு திறக்கப்பட்டு நகைகள் திருட்டு போனதைக் கண்டு அதிா்ச்சி அடைந்தாா். புகாரின் பேரில் தேன்கனிக்கோட்டை போலீஸாா் விசாரணை நடத்தி வருகின்றனா்.

இதேபோல தேன்கனிக்கோட்டை அருகே உள்ள ஒன்னுப்பள்ளியைச் சோ்ந்த விவசாயி கோபால் (55), வீட்டை பூட்டி விட்டு சாவியை வீட்டின் சுவா் மேல் வைத்து விட்டு வெளியே சென்றாா். அப்போது மா்ம நபா்கள் வீட்டின் கதவை திறந்து உள்ளே சென்று வீட்டில் இருந்த 10 பவுன் நகைகள், வெள்ளிப் பொருள்களை திருடிச் சென்றனா்.

வீட்டின் கதவு திறக்கப்பட்டு நகைகள் திருடப்பட்டிருந்ததைக் கண்டு கோபால் அதிா்ச்சி அடைந்து தேன்கனிக்கோட்டை காவல் நிலையத்தில் புகாா் செய்தாா். அதன் பேரில் போலீஸாா் வழக்குப்பதிவு செய்து விசாரணை நடத்தி வருகின்றனா்.