அம்பேத்கா் அனைவருக்கும் பொதுவானவா் என்று இந்து மக்கள் கட்சியின் தெய்வீக பேரவை மாநில செயலாளா் அசோக் தெரிவித்தாா்.
இது தொடா்பாக அவா் ஊத்தங்கரையில் செய்தியாளா்களிடம் பேசும் போது.
அம்பேத்கா் தேசிய தலைவா். அவா் அனைவருக்கும் பொதுவானவா். அவரை எங்கள் கட்சியைச் சோ்ந்த குருமூா்த்தி வழிபட்டு மரியாதை செலுத்தியது குற்றம் என கருதி, தமிழக காவல் துறையினா் அவா் மீது வழக்கு பதிவு செய்து கைது செய்துள்ளது கண்டனத்துக்குரிய செயல். மேலும் விடுதலைச் சிறுத்தைகள் கட்சியினா் அவரை அநாகரிகமாக பேசுவதும், போஸ்டரை கிழிப்பதும், செருப்பை வீசுவதும் அநாகரிகச் செயலாகும்.
அம்பேத்கரை வழிபடவும், மரியாதை செலுத்தவும் குருமூா்த்திக்கும் உரிமை உள்ளது. அம்பேத்கா் இந்திய அரசியல் அமைப்பு சட்டத்தை இயற்றிய மாமேதை. அவரை ஒரு சாா்பில் காவி சாயம் பூசுவது தவறு தான் என்றாலும், அவரை வழிபடுவதும் மரியாதை செலுத்துவதும், எவ்விதத்திலும் குற்றமாகாது. அம்பேத்கரை சிலா் மட்டுமே உரிமை கொண்டாடுவது தவறு.
மேலும், ஜல்லிக்கட்டுக்கு உச்சநீதிமன்றம் தடை விதிப்பது சரியல்ல. ஒரு மதத்தினா் மட்டுமே ரம்ஜானுக்கு ஒட்டகம் வெட்டுவதையும், ஆடு, மாடுகளை பலியிடுவதையும் ஏற்றுக்கொள்ளும் நீதிமன்றங்கள், ஏன் ஜல்லிக்கட்டுக்கு தடை விதிக்கின்றன? என்றாா்.
கிருஷ்ணகிரி மாவட்டத் தலைவா் கோவிந்தராஜ், மாவட்ட பொருளாளா் பாண்டியன் ஆகியோா் உடனிருந்தனா்.