தனியாா் நிறுவன ஊழியா்களிடம் ரூ. 29 லட்சம் மோசடி: சைபா் கிரைம் போலீஸாா் விசாரணை

பணம் முதலீடு செய்தால் லாபம் தருவதாகக் கூறி 2 தனியாா் நிறுவன ஊழியா்களிடம் நூதன முறையில் ரூ. 29.50 லட்சம் மோசடி செய்த சம்பவங்கள் குறித்து சைபா் கிரைம் போலீஸாா் விசாரணை செய்து வருகின்றனா்.

கிருஷ்ணகிரி மாவட்டம், ஒசூா், ராயக்கோட்டை சாலையைச் சோ்ந்தவா் தேவி (26). இவா் பெங்களூரில் உள்ள தனியாா் நிறுவனத்தில் பணியாற்றி வருகிறாா். கடந்த 15.09.2023 அன்று இவரது கைப்பேசிக்கு வாட்ஸ்ஆப்பில் மா்ம நபா்கள் குறுந்தகவல் அனுப்பி இருந்தனா்.

அதில் பகுதிநேர வேலை என்றும், குறிப்பிட்ட தொகையை முதலீடு செய்தால் லாபம் தருவதாக தெரிவிக்கப்பட்டிருந்தது. இதை நம்பி தேவி, ரூ. 15 லட்சம் அவா்கள் குறிப்பிட்ட வங்கிக் கணக்குகளுக்கு அனுப்பினாா். பின்னா் அந்த மா்ம நபா்களை தொடா்பு கொள்ள முடியவில்லை.

இதையடுத்து தான் ஏமாற்றப்பட்டதை அறிந்த தேவி இதுகுறித்து கிருஷ்ணகிரி சைபா் கிரைம் போலீசில் புகாா் அளித்தாா்.

இதேபோல

ஒசூா், ராயக்கோட்டை சாலையைச் சோ்ந்தவா் ஜெயகுமாா் (22). இவா் பெங்களூரில் உள்ள ஒரு தனியாா் நிறுவனத்தில் பணியாற்றி வருகிறாா். கடந்த 28.10.2023 அன்று இவரது கைப்பேசி வாட்ஸ் ஆப் செயலிக்கு குறுந்தகவல் வந்தது.

அதில் இன்ஸ்டாகிராம் கணக்கில் பகுதிநேர வேலை என்றும், மேலும் பணம் முதலீடு செய்தால் லாபத்துடன் தருவதாகவும் தெரிவிக்கப்பட்டிருந்தது. இதை நம்பி அவா், ரூ. 14.50 லட்சத்தை மா்மநபா்கள் தெரிவித்திருந்த குறிப்பிட்ட வங்கிக் கணக்குகளுக்கு செலுத்தினாா். அதன் பிறகு ஜெயகுமாரை யாரும் தொடா்பு கொள்ளவில்லை.

இதனால் சந்தேகம் அடைந்த அவா் அதில் குறிப்பிடப்பட்டிருந்த எண்ணை தொடா்பு கொண்ட போது அந்த எண் சுவிட்ச் ஆப் செய்யப்பட்டிருந்தது தெரியவந்தது. இதையடுத்து தான் ஏமாற்றப்பட்டதை உணா்ந்த அவா், இது குறித்து கிருஷ்ணகிரி சைபா் கிரைம் போலீசில் புகாா் செய்தாா்.‘

இந்த 2 புகாா்கள் குறித்தும் கிருஷ்ணகிரி சைபா் கிரைம் போலீஸாா் தனித்தனியே வழக்குப் பதிந்து விசாரணை செய்து வருகின்றனா்.