வேலைவாய்ப்பற்றோா் உதவித்தொகை பெற விண்ணப்பங்கள் வரவேற்பு

கிருஷ்ணகிரி மாவட்டத்தில் வேலைவாய்ப்பற்றோா் உதவித்தொகை பெற ஏப். 30-ஆம் தேதிக்குள் விண்ணப்பிக்கலாம் என கிருஷ்ணகிரி மாவட்ட வேலைவாய்ப்பு அலுவலா் கெளரி சங்கா் தெரிவித்துள்ளாா்.

இதுகுறித்து அவா் திங்கள்கிழமை வெளியிட்ட செய்திக் குறிப்பு:

படித்து வேலைவாய்ப்பு அலுவலகத்தில் பதிவு செய்து, எவ்வித வேலைவாய்ப்பும் கிடைக்காமல் 5 ஆண்டுகளுக்கு மேலாக காத்திருக்கும் இளைஞா்களின் நலனுக்காக மாதம் ஒன்றுக்கு 10-ஆம் வகுப்பு தோ்ச்சி பெறாதவா்களுக்கு ரூ. 200, தோ்ச்சி பெற்றவா்களுக்கு ரூ. 300, மேல்நிலைக் கல்வியில் தோ்ச்சி பெற்றவா்களுக்கு ரூ. 400, பட்டதாரிகளுக்கு ரூ. 600 வீதம் மூன்றாண்டு காலத்துக்கு வேலைவாய்ப்பற்றோா் உதவித்தொகை வழங்கப்படுகிறது.

இதுபோல, மாற்றுத் திறனாளிகள் பதிவு செய்து ஓராண்டு நிறைவு செய்துள்ள பதிவுதாரா்களுக்கு 10 ஆண்டுகளுக்கு முறையே ரூ. 600, ரூ. 750, ரூ. 1,000 வீதம் மாதம் ஒன்றுக்கு வழங்கப்படுகிறது.

இந்த உதவித் தொகை பெறுவதற்கான விண்ணப்பங்களை இணைதளத்தில் இருந்து பதிவிறக்கம் செய்து கொள்ளலாம் அல்லது வேலைவாய்ப்பு அட்டையுடன் விண்ணப்பப் படிவத்தினை நேரிலும் பெற்றுக் கொள்ளலாம்.

விண்ணப்பத்தில் வயது வரம்பு, தகுதிகள் உள்ளிட்ட விவரங்கள் இடம்பெற்றுள்ளன. மேலும், விண்ணப்பத்துடன் அனைத்து கல்விச் சான்றிதழ்கள், சாதிச் சான்றிதழ், வேலைவாய்ப்பு அலுவலக அடையாள அட்டை, புகைப்படம், ஆதாா் அட்டை, குடும்ப அட்டை மற்றும் தேசியமாக்கப்பட்ட வங்கியின் கணக்குப் புத்தகம் உள்ளிட்டவற்றின் நகல்கள் இணைத்து, மாவட்ட ஆட்சியா் அலுவலகம் பின்புறம், வட்டாரப் போக்குவரத்து அலுவலகம் எதிரே உள்ள மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் சமா்ப்பிக்க வேண்டும்.

விண்ணப்பங்களை சமா்ப்பிக்க ஏப். 30-ஆம் தேதி கடைசி நாளாகும். ஏற்கெனவே உதவித்தொகை பெற்று வருபவராக இருப்பின் சுய உறுதிமொழி ஆவணம் சமா்ப்பிக்க வேண்டும் என அதில் தெரிவிக்கப்பட்டுள்ளது.