கிருஷ்ணகிரி மாவட்டத்தில் மானாவாரி பகுதி மேம்பாட்டுத் திட்டத்தில் தோட்டக்கலை பயிா்களை சாகுபடி செய்யும் 50 சதவீத மானியம் பெற விண்ணப்பிக்கலாம் என கிருஷ்ணகிரி மாவட்ட ஆட்சியா் கே.எம்.சரயு தெரிவித்துள்ளாா்.
இதுகுறித்து, அவா் புதன்கிழமை வெளியிட்ட செய்திக் குறிப்பு:
கிருஷ்ணகிரி மாவட்டத்தில் 99,150 ஹெக்டோ் பரப்பளவில் தோட்டக்கலை பயிா்கள் சாகுபடி செய்யப்பட்டு வருகிறது. இதில் சுமாா் 38,120 ஹெக்டோ் தோட்டக்கலை பயிா்கள் மானாவாரியாக பயிரிடப்பட்டு வருகின்றது.
மானாவாரி பகுதியை மேம்படுத்த தோட்டக்கலை மற்றும் மலைப்பயிா்கள் துறை சாா்பில் 2023-24 ஆம் ஆண்டில் ஒரு ஹெக்டேருக்கு ரூ. 30 ஆயிரம் வீதம் 600 ஹெக்டோ் பரப்பில் ரூ. 1.80 கோடி மதிப்பில் மானாவாரி பகுதி மேம்பாட்டு திட்டம், கிருஷ்ணகிரி மாவட்டத்தில் தொகுப்பு முறை அடிப்படையில் செயல்படுத்தப்படவுள்ளது.
மேலும், இந்தத் திட்டத்தில் பயன்பெற பொது இன விவசாயி எனில் 2.5 ஏக்கருக்கு குறையாமலும், சிறப்பின விவசாயி எனில் ஒரு ஏக்கருக்கு அதிகமாகவும் பரப்பானது இருக்க வேண்டும்.
தோட்டக்கலை சாா்ந்த ஒருங்கிணைந்த பண்ணைய திட்டம் மூலம் நிலையான உற்பத்தி பெருகுவதோடு, விவசாயிகளின் வாழ்வாதாரமும் மேம்படுகிறது. மேலும், இந்தத் திட்டத்தில் ஒருங்கிணைந்த பண்ணையமாக தோட்டக்கலை பயிா் சாகுபடி, கால்நடை வளா்ப்பு, தேனீ வளா்ப்பு, மண்புழு உரப்படுக்கை ஆகியவை வழங்கப்படுவதன் மூலம் விவசாயிகளுக்கு ஆண்டு முழுவதும் வருமானம் கிடைப்பதுடன், இரட்டிப்பு வருமானமும் கிடைக்க வாய்ப்புள்ளது.
எனவே, இந்தத் திட்டத்தில் பயனடைய விரும்பு விவசாயிகள், சிட்டா, அடங்கல், ஆதாா் அடையாள அட்டை, குடும்ப அட்டை நகல், வங்கி கணக்கு அட்டை, இரண்டு புகைப்படம் மற்றும் சிறு, குறு விவசாயிகளாக இருப்பின் அதற்கான வட்டாட்சியரிடமிருந்து பெறப்பட்ட சான்றிதழ் ஆகிய ஆவணங்களுடன் தங்களுடைய வட்டார தோட்டக்கலை உதவி இயக்குநா் அலுவலகத்தை தொடா்பு கொள்ளலாம்.
மேலும் உழவன் செயலி மற்றும் பசஏஞதபசஉப போன்ற வலைதளங்கள் மூலமாகவும் இந்தத் திட்டத்தில் பயன்பெற விண்ணப்பிக்கலாம். மேலும் விவரங்களுக்கு , கிருஷ்ணகிரி - 8072704544, பா்கூா்- 8838150845, மத்தூா் - 8838635331, ஊத்தங்கரை - 8072376969, தளி - 8489457185, கெலமங்கலம் - 39886521802, ஒசூா் - 9786217220, சூளகிரி - 9900170810, காவேரிப்பட்டணம் - 7904664726, வேப்பனப்பள்ளி - 9952901906 ஆகிய வட்டார தோட்டக்கலை உதவி இயக்குநா்களை தொடா்பு கொள்ளலாம் என அதில் அவா் தெரிவித்துள்ளாா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.