கிருஷ்ணகிரி மாவட்டத்தில் உள்ள அரசுப் பள்ளிகளுக்கு ரூ.66 லட்சம் மதிப்பிலான 211 ஸ்மாா்ட் டி.வி.க்களை ஐவிடிபி தொண்டு நிறுவனத்தின் நிறுவனா் இலவசமாக அண்மையில் வழங்கினாா்.
அரசுப் பள்ளிகளில் பயிலும் கிராமப்புற ஏழை, எளிய மாணவ, மாணவியா்களின் கற்றல் திறனை மேம்படுத்தவும், ஆசிரியா்கள் தங்கள் கற்பித்தல் பணியை நவீன கால மாற்றத்திற்கேற்ப ஒலி, ஒளி வடிவில் புதுமையான முறையில் மேற்கொண்டு மாணவா்களின் கற்றல் அனுபவத்தை இனிமையாக்கவும் மாநிலத்திலேயே முன்னோடி திட்டமாக கிருஷ்ணகிரி மாவட்டத்தில் செயல்படும் அரசு தொடக்க, நடுநிலை, உயா்நிலை மற்றும் மேல்நிலைப் பள்ளிகளுக்கு 43 இன்ச் ஸ்மாா்ட் தொலைக்காட்சி பெட்டி வழங்கும் திட்டத்தை ஐவிடிபி தொண்டு நிறுவனம் முன்னெடுத்துள்ளது.
அதன் முதற்கட்டமாக கிருஷ்ணகிரி மாவட்டத்திலுள்ள அரசுப் பள்ளிகளுக்கு ஐவிடிபி நிறுவனத்தின் பங்களிப்பாக ரூ.66 லட்சம் மதிப்பிலான 211 ஸ்மாா்ட் டி.வி.க்கள், இலவசமாக வழங்கப்பட்டன. அதுமட்டுமல்லாமல், மாவட்ட முதன்மை கல்வி அலுவலா் மகேஸ்வரியின் அனுமதியுடன், அனைத்து அரசு பள்ளி தலைமை ஆசிரியா்களையும் ஊக்கப்படுத்தி, அரசின் பங்களிப்பு நிதியை உபயோகப்படுத்தி பள்ளிகளின் பங்களிப்பாக வழங்கிய ரூ.66 லட்சத்தில் மேலும் 211 ஸ்மாா்ட் டி.வி.க்கள் அரசுப் பள்ளிகளுக்கு வழங்கப்பட்டன.
அதன்படி, மொத்தம் ரூ.1.32 கோடி மதிப்பில் 422 ஸ்மாா்ட் டி.வி.க்களை, மாவட்ட முதன்மை கல்வி அலுவலா் முன்னிலையில், அந்தந்த பள்ளிகளின் தலைமை ஆசிரியா்களிடம் ஐவிடிபி நிறுவனா் குழந்தை பிரான்சிஸ் வழங்கினாா். அப்போது அவா் பேசுகையில் பள்ளி மாணவ, மாணவியா், ஆசிரியா்களின் சிறப்பான வழிகாட்டுதலோடு, கல்வி, விளையாட்டு ஆகியவற்றுடன் ஒழுக்கத்தில் சிறந்து விளங்கவும் இந்தக் கல்வி உதவிகளை வழங்கி வருவதாக தெரிவித்தாா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.