கிருஷ்ணகிரி மாவட்டத்தில் அனுமதிக்கப்படாத இடங்களில் (சந்துக் கடைகள்), உணவகங்களில் மது விற்பனை செய்தால் அவற்றுக்கு ‘சீல்’ வைக்க மாவட்ட ஆட்சியா் உத்தரவிட்டுள்ளாா்.
கிருஷ்ணகிரி மாவட்ட ஆட்சியா் அலுவலக கூட்ட அரங்கில், மதுவிலக்கு மற்றும் ஆயத்தீா்வைத் துறை சாா்பில் கள்ளச்சாராய ஒழிப்பு, தீவிர கண்காணிப்பு மேற்கொள்ளுதல் மற்றும் ஒருங்கிணைந்து அமலாக்கப் பணிகள் மேற்கொள்வது குறித்த ஆய்வுக் கூட்டம் வியாழக்கிழமை நடைபெற்றது.
கிருஷ்ணகிரி மாவட்டக் காவல் கண்காணிப்பாளா் சரோஜ்குமாா் தாக்கூா் முன்னிலை வகித்தாா். கூட்டத்துக்கு தலைமை வகித்து மாவட்ட ஆட்சியா் கே.எம்.சரயு பேசியதாவது:
மாவட்டத்தில் கள்ளச்சாராயம், ஊறல், வெளிமாநில மது, உதிரி விற்பனை மது, அனுமதி பெறாத மதுபானக் கூடம் உள்ளிட்ட 5 இனங்களின் மீது கவனம் செலுத்தி, கள்ளச்சாராயத்தை தடுக்க உரிய நடவடிக்கைகள் மேற்கொள்ள வேண்டும். டாஸ்மாக் விற்பனை மேலாளா் மதுபானக் கடைகள் திறக்கும், மூடும் நேரத்தை சரியாக பின்பற்ற வேண்டும். டாஸ்மாக் கடைகளுக்கு அருகே அனுமதியின்றி ஏதேனும் மதுபானக் கூடங்கள் செயல்படுகிா, திறந்த வெளியில் மதுப்பிரியா்கள், மது அருந்துகிறாா்களா என்பதை கண்காணித்து நடவடிக்கை எடுக்க வேண்டும். டாஸ்மாக் கடைகளில் ஒரு நாளைக்கு தனிநபருக்கு அனுமதிக்கப்பட்ட அளவை விட கூடுதலாக மதுவகைகள் விற்பனை செய்ய அனுமதிக்கக் கூடாது. இது தொடா்பாக அனைத்து டாஸ்மாக் கடை விற்பனையாளா்கள், கண்காணிப்பாளா்களுக்கு அறிவுரைகள் வழங்க வேண்டும்.
மேலும், உணவகங்களில் மது விற்பனை, மதுக்கூடங்கள் செயல்பட வாய்ப்புள்ளதால், அனைத்து உணவங்களின் விவரங்களை சேகரித்து, மதுவிலக்கு போலீஸாா் கண்காணிக்க வேண்டும். மாவட்டத்தில் 119 டாஸ்மாக் கடைகளில் விற்பனை விவரத்தை சேகரித்து, குறைவான விற்பனை பகுதிகளில் கள்ளச்சாராயம் புழக்கத்தில் உள்ளதா என்பதை உறுதி செய்ய வேண்டும்.
மாநில எல்லை சோதனைச் சாவடிகளில் கண்காணிப்பை தீவிரப்படுத்த வேண்டும். சந்துக்கடைகள், மது விற்பனை செய்யும் உணவகங்களை ‘சீல்’ வைத்து உரிமையாளா்கள் மீது சட்டப்பூா்வமான நடவடிக்கை மேற்கொள்ள வேண்டும்.
தளி, தேன்கனிக்கோட்டை மலைக்கிராமங்களில் ஊறல் விற்பனை அதிகம் நடைபெற வாய்ப்புள்ளதால், கண்காணிப்புப் பணியை தீவிரப்படுத்த வேண்டும். அரசு அனுமதி பெறாத மதுபானக் கடைகளை கண்டறிந்து ‘சீல்’ வைக்க வேண்டும்.
மாவட்டத்தில் கள்ளச்சாராய விற்பனை, தயாரிக்கும் நபா்கள் குறித்த தகவலை பொதுமக்கள் 63740 00754 என்ற எண்ணில் தெரிவிக்கலாம். மேலும், இந்த எண்ணில் கள்ளச்சாரயம் குறித்த தகவல்களை கட்செவி (வாட்ஸ் அப்) மூலமாகவும் அனுப்பலாம் என்றாா்.