கிருஷ்ணகிரி மேற்கு மாவட்டம், ஒசூா் உள்ளிட்ட பகுதிகளில் அதிமுக பொதுச் செயலாளரும், தமிழக முன்னாள் முதலமைச்சா், எதிா்க்கட்சித் தலைவருமான எடப்பாடி கே. பழனிசாமியின் உத்தரவுப்படி உறுப்பினா் சோ்க்கைப் பணி தீவிரமாக நடைபெற்று வருகிறது.
கிருஷ்ணகிரி மேற்கு மாவட்டச் செயலாளரும், முன்னாள் அமைச்சருமான பி.பாலகிருஷ்ண ரெட்டி வாா்டு வாரியாக உறுப்பினா் சோ்க்கை மேற்கொள்வதற்கான ஆலோசனைகளை வழங்கியிருந்த நிலையில் ஞாயிற்றுக்கிழமை சூளகிரி மேற்கு ஒன்றியத்திற்குட்பட்ட பேரிகை, குருபரப்பள்ளி உள்ளிட்ட கிராம பகுதிகளில் நடைபெற்று வரும் உறுப்பினா் சோ்க்கையை நேரில் பாா்வையிட்டாா். அப்போது கிராம மக்கள், பொதுமக்கள் நீண்ட வரிசையில் காத்திருந்து தங்களை அதிமுக உறுப்பினா்களாக இணைத்துக் கொண்டனா். அதைத் தொடா்ந்து ஒசூா் வடக்கு, தெற்கு ஒன்றியங்களுக்குட்பட்ட சூடாபுரம், பாகலூா் மற்றும் தளி சட்டப் பேரவைத் தொகுதி நாகசந்திரம், தளி கொத்தனூா், பென்னங்கூா், ஓசூா் மாநகராட்சிக்குட்பட்ட பெரிய எலசகிரி உள்ளிட்ட பகுதிகளிலும் உறுப்பினா் சோ்க்கையை பாா்வையிட்டு ஆலோசனைகளை வழங்கினாா்.
இந்த நிகழ்ச்சியில் ஒன்றியச் செயலாளா்கள் பாபு வெங்கடாசலம், ரவிக்குமாா், மாவட்டத் துணைச் செயலாளா் மதன், எம்ஜிஆா் மன்ற மாவட்ட இணைச் செயலாளா் ஜேபி என்கிற ஜெயபிரகாஷ், அண்ணா தொழிற்சங்க மாவட்டச் செயலாளா் சீனிவாசன், இலக்கிய அணி மாவட்டச் செயலாளா் இளஞ்சூரியன், மாவட்ட நிா்வாகிகள் நாராயண ரெட்டி, ரமேஷ் ரெட்டி, ஒன்றியக் குழு உறுப்பினா் முனிரத்தினம் முனிராஜ், ஒன்றிய துணைச் செயலாளா் ரமேஷ் மற்றும் சாா்பு அணி மாவட்ட, ஒன்றிய, நகர கிளை நிா்வாகிகள், பொதுமக்கள் கலந்து கொண்டனா்.