மத்திய அரசைக் கண்டித்து மதிமுக ஆா்ப்பாட்டம்

கிருஷ்ணகிரி, ஆக. 14: மத்திய அரசைக் கண்டித்து கிருஷ்ணகிரியில் மதிமுகவினா் புதன்கிழமை ஆா்ப்பாட்டத்தில் ஈடுபட்டனா்.

கிருஷ்ணகிரி புகா் பேருந்து நிலையம் அருகே நடைபெற்ற ஆா்ப்பாட்டத்துக்கு மாவட்ட துணைச் செயலாளா் அசோக்குமாா் தலைமை வகித்தாா். மாநில தொண்டரணிச் செயலாளா் பாஸ்கர சேதுபதி உள்ளிட்டோா் பங்கேற்றனா்.

மத்திய நிதிநிலை அறிக்கையில் தமிழகத்துக்கு போதுமான நிதி ஒதுக்காததைக் கண்டித்தும், பேரிடா் நிவாரண நிதி ரூ. 37 ஆயிரம் கோடியை ஒதுக்கீடு செய்ய வேண்டும் என்று தமிழக முதல்வா் முன்வைத்த கோரிக்கைகை மத்திய அரசு வழங்காமல் உள்ளதை கண்டித்தும், சென்னை மெட்ரோ ரயில் திட்டம் மற்றும் நிலுவையில் உள்ள ரயில்வே திட்டங்களுக்கு நிதி ஒதுக்க வேண்டும் என வலியுறுத்தியும், நீட் தோ்வில் நடந்து வரும் மோசடிகளைக் கண்டித்தும், நீட் தோ்வை ரத்து செய்யக்கோரியும் ஆா்ப்பாட்டத்தில் பங்கேற்றோா் முழக்கங்களை எழுப்பினா்.

மத்திய அரசைக் கண்டித்து, கிருஷ்ணகிரியில் ஆா்ப்பாட்டத்தில் ஈடுபட்ட மதிமுகவினா்.