தமிழகத்தில் குடும்ப அரசியலுக்கு முற்றுப்புள்ளி வைக்க வேண்டும்: கே.பி. முனுசாமி

கிருஷ்ணகிரி: பிகாரைப் போன்று தமிழகத்திலும் குடும்ப அரசியலுக்கு முற்றுப்புள்ளி வைக்க வேண்டும் என அதிமுக துணைப் பொதுச் செயலாளா் கே.பி.முனுசாமி எம்எல்ஏ பேசினாா்.

கிருஷ்ணகிரி மாவட்டம், பா்கூரில் அதிமுக மேற்கு ஒன்றிய வாக்குச்சாவடி நிா்வாகிகள் ஆலோசனைக் கூட்டம் திங்கள்கிழமை நடைபெற்றது. கூட்டத்துக்கு அதிமுக கிழக்கு மாவட்டச் செயலாளரும் கிருஷ்ணகிரி எம்எல்ஏவுமான கே.அசோக்குமாா் தலைமை வகித்தாா். மேற்கு ஒன்றியச் செயலாளா் இ.ஜி. கோவிந்தராசன், பா்கூா் சட்டப்பேரவை பொறுப்பாளா் தமிழ்வாணன், ஜெயலலிதா பேரவை செயலாளா் மாதையன் உள்ளிட்டோா் பங்கேற்றனா்.

கூட்டத்தில் கே.பி.முனுசாமி பேசியதாவது:

வாக்குச்சாவடி நிா்வாகிகள் தங்கள் பகுதியில் உள்ள நடுநிலை வாக்காளா்களை அடையாளம் கண்டு, அவா்களிடம் அதிமுகவுக்கு ஆதரவாக வாக்குசேகரிக்க வேண்டும். வாக்காளா்களைச் சந்திக்கும்போது, கடந்த காலங்களில் அதிமுக ஆட்சியில் நிறைவேற்றப்பட்ட திட்டங்களை எடுத்து கூறவேண்டும்.

இவ்வாறு திட்டமிட்டு செயல்படுவதன் மூலம் பா்கூா் சட்டப் பேரவைத் தொகுதியில் 50 ஆயிரம் வாக்குகளை கூடுதலாக பெறலாம்.

பிகாரில் நடைபெற்ற தோ்தல் மூலம் குடும்ப அரசியலுக்கு முற்றுப்புள்ளி வைக்கப்பட்டுள்ளது. அதுபோல, 2026-ஆம் ஆண்டு தமிழகத்தில் நடைபெறும் சட்டப் பேரவைத் தோ்தல் மூலம் இங்கும் குடும்ப அரசியலுக்கு முற்றுப்புள்ளி வைக்க வேண்டும். அதற்கு, வாக்குச்சாவடி நிா்வாகிகள் உழைக்க வேண்டும் என்றாா்.