நாமக்கல் மாவட்டத்தில் ஞாயிற்றுக்கிழமை காலை முதல் இரவு வரையில் தொடா்ந்து சாரல் மழை பெய்ததால் குளுகுளு சீதோஷ்ண நிலை காணப்பட்டது.
வட கிழக்குப் பருவமழையின் தாக்கம் மேலும் அதிகரித்துள்ள நிலையில், தமிழகம் முழுவதும் பரவலாக மழை பெய்து வருகிறது. மேற்கு தொடா்ச்சிமலையையொட்டிய பகுதிகளில் கடந்த சில நாள்களாக பலத்த மழை பெய்து வருகிறது. குறிப்பாக, திருநெல்வேலி, தூத்துக்குடி, கன்னியாகுமரி, மதுரை உள்ளிட்ட மாவட்டங்களில் கனமழை நீடிக்கிறது. நாமக்கல் மாவட்டத்தில் லேசான மேகமூட்டத்துடன் வானம் காணப்பட்டு வந்த நிலையில், ஞாயிற்றுக்கிழமை அதிகாலை 4 மணி முதல் இரவு 8 மணி வரையில் சாரல் மழை பெய்த வண்ணம் இருந்தது.
இதனால் அனைத்துப் பகுதிகளிலும் தண்ணீா் வழிந்தோடியது. மேலும், குளுகுளு சீதோஷ்ணநிலை நிலவியதால் மக்கள் மகிழ்ச்சியடைந்தனா். நிலத்தடி நீா்மட்டம் உயா்வதற்கு இந்த மழை வாய்ப்பாக அமைந்துள்ளதாக பொதுமக்கள் தெரிவித்தனா். வரும் நாள்களிலும் இந்த சாரல் மழை தொடா்வதற்கு வாய்ப்புள்ளதாக வானிலை ஆய்வு மையம் தெரிவித்துள்ளது. ஞாயிற்றுக்கிழமை காலை 8 மணி நிலவரப்படி மாவட்டம் முழுவதும் பெய்த மழை விவரம் (மி.மீ): எருமப்பட்டி - 41, மங்களபுரம் - 7, மோகனூா் - 3, நாமக்கல் - 54, பரமத்திவேலூா் - 2, புதுச்சத்திரம் - 17, ராசிபுரம் - 12, சேந்தமங்கலம் - 28, மாவட்ட ஆட்சியா் அலுவலகம் -30.50, கொல்லிமலை -20, மொத்தம் - 214.50.
தம்மம்பட்டியில்...
கெங்கவல்லியில் வீட்டுச் சுவா் இடிந்து விழுந்ததில் தாயும், மகனும் அதிா்ஷ்டவசமாக உயிா்த் தப்பினா்.
கெங்கவல்லி பேரூராட்சி 14-ஆவது வாா்டு மீனவா் தெருவில் வசிப்பவா் முரளி.
இவருடைய மனைவி நந்தினி, மகன் தா்வேஷ். கூரைவீட்டில் வசித்து வருகின்றனா். முரளி கேரளத்தில் கூலி வேலை செய்து வருகிறாா்.
கெங்கவல்லியில் தொடா்ந்து மழை பெய்து வருவதால் நந்தினியின் கூரை வீட்டுச் சுவா், ஈரமாக இருந்துள்ளது.
சனிக்கிழமை நள்ளிரவு, நந்தினியும், தா்வேசும் வீட்டில் தூங்கிக் கொண்டிருந்தபோது, வீட்டின் சுவா், திடீரென்று இடிந்து விழுந்தது.
அதைக் கண்ட நந்தினி அலறியடித்துக் கொண்டு, தனது மகனை தூக்கிக்கொண்டு வெளியே ஓடினா். இதனால், அவா்கள் இருவரும் உயிா் தப்பினா்.
தகவல் அறிந்த கெங்கவல்லி கிராம நிா்வாக அலுவலா் இளவரசன், இடிந்த வீட்டுச்சுவா் குறித்து ஆய்வு செய்து, பகுதி சுவா் இடிந்ததற்கான நிவாரணத் தொகைக்கு கெங்கவல்லி வட்டாட்சியா் சிவக்கொழுந்துவிடம் அறிக்கை வழங்கியுள்ளாா்.
அரசிடமிருந்து நிவாரணத் தொகை வந்தவுடன், நந்தினிக்கு நிவாரணத் தொகை வழங்கப்படும் என்று வருவாய்த் துறையினா் தெரிவித்தனா்.