மக்களவைத் தேர்தல் பணிக்கு வாடகை விடியோ கேமரா: விலைப்புள்ளி அளிக்க வேண்டுகோள்

மக்களவைத் தேர்தல் நடைபெறவுள்ளதை முன்னிட்டு விடியோ கேமராவுக்கான வாடகை தொடர்பான விலைப்புள்ளி விவரங்களை அளிக்கலாம் என நாமக்கல் மாவட்ட ஆட்சியர் மு.ஆசியா மரியம் வேண்டுகோள் விடுத்துள்ளார். 
இதுகுறித்து அவர் வெளியிட்ட செய்திக்குறிப்பு: மக்களவைத் தேர்தல் நடைபெறவுள்ளதை முன்னிட்டு நாமக்கல் மாவட்டத்தில் தேர்தல் தொடர்பான பல்வேறு பணிகளில் விடியோகிராபர்கள் ஈடுபடுத்தப்பட உள்ளனர். எனவே விடியோகிராபர்கள் விடியோ கேமராவுடனான வாடகை விவரங்களை இறுதி செய்யும் பொருட்டு விலைப்புள்ளி விவரங்கள் கோரப்பட்டுள்ளது. இதற்கான படிவங்களை ‌w‌w‌w.‌t‌e‌n‌d‌e‌r‌s.‌t‌n.‌g‌o‌v.‌i‌n மற்றும் w‌w‌w.‌n​a‌m​a‌k‌k​a‌l.‌t‌n.‌n‌i​c.‌i‌n ஆகிய இணையதளங்களில் வரும் 12 ஆம் தேதி முதல் 22 ஆம் தேதி மாலை 3  மணி வரை இலவசமாக பதிவிறக்கம் செய்து கொள்ளலாம். பூர்த்தி செய்யப்பட்ட டெண்டர் படிவங்களை வரும் 22 ஆம் தேதி மாலை 3 மணிக்குள் மாவட்ட ஆட்சியர் அலுவலக தேர்தல் பிரிவில் உள்ள மூடி முத்திரையிடப்பட்டுள்ள பெட்டியில் போட வேண்டும்.  அன்று மாலை 3.30 மணிக்கு பெட்டி திறக்கப்பட்டு நாடாளுமன்ற மக்களவைத் தேர்தல் 2019 தொடர்பான விடியோகிராபர்கள் முடிவு செய்யப்படுவார்கள்.