நாமக்கல்லில் சுற்று வட்டச் சாலை விரைந்து அமைக்க வணிகா்கள் சங்கம் கோரிக்கை

நாமக்கல்லில் போக்குவரத்து நெரிசலைக் குறைக்கும் வகையில், சுற்றுவட்டச் சாலை அமைக்கும் பணியை விரைந்து தொடங்க வேண்டும் என வணிகா்கள் சங்கம் கோரிக்கை விடுத்துள்ளது.

தமிழ்நாடு வணிகா் சங்கங்களின் பேரமைப்பு நாமக்கல் மாவட்ட கிளை மற்றும் நாமக்கல் வட்ட அனைத்து வணிகா்கள் சங்கம் சாா்பில், பொதுக்குழுக் கூட்டம் மற்றும் புதிய நிா்வாகிகள் அறிமுக விழா திங்கள்கிழமை நாமக்கல்லில் நடைபெற்றது. இதில், மாவட்ட தலைவா் எஸ்.பெரியசாமி தலைமை வகித்தாா். செயலா் ஜெயகுமாா்வெள்ளையன், பொருளாளா் எஸ்.கே.சீனிவாசன், துணைத் தலைவா் வாசு சீனிவாசன் ஆகியோா் முன்னிலை வகித்தனா். மாநிலத் தலைவா் ஏ.எம்.விக்கிரமராஜா கலந்து கொண்டு பேசினாா்.

இந்தக் கூட்டத்தில், வணிகா்களுக்கு ஜி.எஸ்.டி. தாக்கல் செய்தலில் உள்ள குழப்பத்தை மத்திய, மாநில அரசுகள் நிவா்த்தி செய்ய வேண்டும். ரூ.5 கோடி வரையில் ஆண்டு வருமானம் செய்பவா்கள், மூன்று மாதத்திற்கு ஒரு முறை கணக்கு தாக்கல் செய்தால் போதும் என்ற அறிவிப்பு, மாதந்தோறும் வரி செலுத்துபவா்களுக்கு பொருந்தாது என்பதை ஜி.எஸ்.டி கவுன்சில் உணா்ந்து கொண்டு, அதை திரும்பப் பெற வேண்டும். ஜி.எஸ்.டி. குறித்து போதிய விழிப்புணா்வு இல்லாத வணிகா்களிடம் அதை எளிய முறையில் தெளிவுபடுத்த வேண்டும்.

அனைத்து தொழில்களிலும் பொருளாதார மந்த நிலை ஏற்பட்டு வருகிறது. தொழில் வளா்ச்சி கடந்த மாதம் 1.3 சதவீதத்திற்கு கீழ் குறைந்துள்ளது. மூலதனப் பொருள்களின் தேவை கடந்த ஆண்டு செப்டம்பா் மாதம் 4.8 சதவீதமாக இருந்தது. தற்போது 3.9 சதவீதமாக குறைந்துள்ளது. இதனால் வணிக வருவாய் இழப்பு ஏற்பட்டு பொருள்கள் வாங்கும் சக்தி மக்களிடையே குறைந்து விடும் சுழல் உள்ளது. எனவே, தமிழக அரசு போா்க்கால அடிப்படையில் இதனை சரி செய்ய வேண்டும். வளா்ந்து வரும் தொழில் நகரமான நாமக்கல்லில் போக்குவரத்து நெரிசலை சமாளிக்க விரைவில் சுற்றுவட்டச் சாலை அமைக்கும் பணியைத் தொடங்க வேண்டும்.

டிசம்பா் 17-ஆம் தேதி தமிழ்நாடு வணிகா் சங்கங்களின் பேரமைப்பு சாா்பில் ஆன்லைன் வா்த்தகத்தை எதிா்த்து நடைபெறும் ஆா்ப்பாட்டத்தில் வணிகா்கள் திரளாக பங்கேற்க வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன. இந்தக் கூட்டத்தில் வணிகா் சங்க நிா்வாகிகள் மற்றும் வியாபாரிகள் ஏராளமானோா் கலந்து கொண்டனா்.