ராசிபுரம் கூட்டுறவு வேளாண்மை உற்பத்தியாளா்கள் சங்கம் ஆா். கவுண்டம்பாளையம் கிளையில் திங்கள்கிழமை ரூ. 85 லட்சத்துக்கு பருத்தி ஏலம் நடைபெற்றது.
ராசிபுரம் கூட்டுறவு வேளாண்மை உற்பத்தியாளா்கள் சங்கத்தில் வாரந்தோறும் திங்கள்கிழமை பருத்தி ஏலம் நடக்கும். நிகழ் வாரம் நடைபெற்ற ஏலத்தில் ஆா்சிஎச். ரகப் பருத்தி 4 ஆயிரத்து 584 மூட்டைகள், டிசிஎச்., ரகப் பருத்தி 139 மூட்டைகள் என மொத்தம் 4 ஆயிரத்து 723 மூட்டைகளை விவசாயிகள் ஏலத்துக்குக் கொண்டு வந்திருந்தனா்.
இதில் ஆா்சிஎச்., ரகம் குவிண்டாலுக்கு குறைந்தபட்சமாக ரூ. 4 ஆயிரத்து 819 முதல் அதிகபட்சமாக ரூ. 5 ஆயிரத்து 319-க்கு விலை போனது. டிசிஎச்., ரகம் குவிண்டாலுக்குக் குறைந்தபட்சமாக ரூ. 6 ஆயிரத்து 219 முதல் அதிகபட்சமாக ரூ. 6 ஆயிரத்து 652-க்கும் ஏலம் போனது. இதில், மொத்தம் ரூ. 85 லட்சத்துக்கு வா்த்தகம் நடைபெற்றது.