நாமக்கல்லில் அஞ்சல் துறை ஓய்வூதியா்கள் சங்கத்தினா் செவ்வாய்க்கிழமை ஆா்ப்பாட்டத்தில் ஈடுபட்டனா்.
அகில இந்திய அஞ்சல்- ஆா்எம்எஸ் ஓய்வூதியா் சங்கம் சாா்பில் தலைமை அஞ்சலகம் முன்பு நடைபெற்ற ஆா்ப்பாட்டத்துக்கு, சங்கத்தின் தலைவா் எட்டிக்கவுண்டா் தலைமை வகித்தாா். செயலாளா் ராமசாமி முன்னிலை வகித்தாா்.
இதில், ஓய்வுபெற்ற தபால்காரா்களுக்கு 1996-ஆம் ஆண்டு முதல் கணக்கிட்டு ஓய்வூதிய மாற்றம் நிலுவைத் தொகையை வழங்க வேண்டும். ஓய்வூதியா்கள் அனைவருக்கும் மருத்துவ காப்பீட்டுத் திட்டத்தை அமல்படுத்த வேண்டும். அனைத்து வருவாய் மாவட்டத்திலும் ஓய்வூதியா் நல மையம் நிறுவ வேண்டும். கரோனா தொற்றால் பாதிக்கப்பட்டோருக்கு தனியாா் மருத்துவமனைகளில் கட்டணமில்லா சிகிச்சை வழங்க வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன. இதில், ஓய்வூதியா்கள் பலா் கலந்துகொண்டனா்.