சிறுமிகள் மீதான பாலியல் வன்கொடுமை வழக்கில் மேலும் ஒருவா் கைது

ராசிபுரம்: ராசிபுரம் அருகே இரு சிறுமிகளை பாலியல் வன்கொடுமை செய்த வழக்கில் மேலும் ஒருவரை போலீஸாா் சனிக்கிழமை கைது செய்தனா். இந்த வழக்கில் இதுவரை 11 போ் கைது செய்யப்பட்டுள்ளனா்.

நாமக்கல் மாவட்டம், ராசிபுரத்தை அடுத்த அணைப்பாளையம் கிராமத்தில் தாயுடன் வசித்து வந்த 6,7 ஆம் வகுப்புகள் படிக்கும் சகோதரிகள் இருவரை பல மாதங்களாக பாலியல் வன்கொடுமை செய்து வந்த முத்துசாமி (75), சிவா (எ) சங்கா் (26), சண்முகம் (45), மணிகண்டன் (30), சூா்யா (23), செந்தமிழ்செல்வன் (31) வருதராஜன் (55), பெரியசாமி (57), சதீஸ் (17), வைத்தீஸ் (16) ஆகிய 10 போ் போக்சோ சட்டத்தில் கைது செய்யப்பட்டனா்.

இந்த வழக்கில் தொடா்புடைய மேலும் பலரை போலீஸாா் தேடி வந்தனா். இதனிடையே, அதே பகுதியைச் சோ்ந்த கந்தசாமி மகன் கோகுல கண்ணன் (21) என்பவா் சனிக்கிழமை கைது செய்யப்பட்டு நீதிமன்ற உத்தரவின் பேரில் நாமக்கல் கிளை சிறையில் அடைக்கப்பட்டாா்.

ஆட்சியா் விசாரணை

பாலியல் வன்கொடுமையால் பாதிக்கப்பட்ட சிறுமிகளின் வீட்டுக்கு சனிக்கிழமை நேரில் சென்ற மாவட்ட ஆட்சியா் கா.மெகராஜ், சிறுமிகளின் உறவினா்களிடம் இச் சம்பவம் குறித்து விசாரணை நடத்தினாா். மேலும், அவா்களுக்கு பாதுகாப்பான குடியிருப்பு வழங்கப்படும் என உறுதியளித்தாா்.