திருச்செங்கோடு வேளாண் உற்பத்தியாளா்கள் கூட்டுறவு விற்பனைச் சங்கத்தில் வாராந்திர எள் விற்பனை ரகசிய ஒப்பந்த புள்ளி முறையில் நடைபெற்றது.
இதில், சின்ன சேலம், ஆத்தூா் , கெங்கவல்லி, காங்கேயம், பரமத்தி, நாமக்கல், ராசிபுரம், வீரகனூா், தம்மம்பட்டி ஆகிய பகுதிகளிலிருந்து விவசாயிகள் எள் ரகங்களைக் கொண்டு வந்தனா். இவற்றை வாங்க பவானி, அனுமன்பள்ளி, முத்தூா், காங்கயம், திருப்பூா், திருச்செங்கோடு, சங்ககிரி, ஈரோடு பகுதிகளைச் சோ்ந்த சுமாா் 30 வியாபாரிகள் வந்தனா்.
ரகசிய ஏல முறையில் இந்த எள் ரூ. 2 லட்சத்துக்கு விற்பனையானது. சிவப்பு எள் ரூ. 66.90 முதல் ரூ. 99.20 வரையிலும், கருப்பு எள் ரூ. 84.20 முதல் ரூ. 103.20 வரையிலும், பருத்தி 400 மூட்டை ரூ. 7 லட்சத்துக்கும் விற்பனையாயின.
பருத்தி ரகங்களை முசிறி புதுப்பட்டி, வடக்கு நல்லியம்பட்டி, தெற்கு நல்லியம்பட்டி, தண்டலை, திருத்தலையூா், சேங்கணம், ராசிபுரம், கதிரா நல்லூா், புதுச்சத்திரம், துறையூா், அம்மம்பாளையம், மருவத்தூா் போன்ற பகுதிகளிலிருந்து விவசாயிகள் கொண்டு வந்தனா். இதில், பி.டி. காட்டன் குவிண்டால் ரூ. 4,269 முதல் ரூ. 4,720 வரை விலை போனது. சுரபிர ரகம் ரூ. 4,410 முதல் ரூ. 5,010 வரை விற்பனையானது.