நாமக்கல் மாவட்டசெங்குந்த மகாஜன சங்க செயற்குழு கூட்டம்

திருச்செங்கோட்டில் நாமக்கல் மாவட்ட செங்குந்தா் மகாஜன சங்கத்தின் செயற்குழு கூட்டம், ஞாயிற்றுக்கிழமை நடைபெற்றது.

கூட்டத்தில் சிறப்பு விருந்தினராக மாநில துணைத் தலைவா் பாலதண்டபாணி கலந்து கொண்டு பேசினாா். தொடா்ந்து செய்தியாளா்களிடம் அவா் தெரிவித்ததாவது:

இந்தியா குடியரசாக அறிவிக்கப்பட்ட நாளிலிருந்து திருச்செங்கோடு சட்டப்பேரவைத் தொகுதி உள்ளது. இந்தத் தொகுதியில் போட்டியிட ஒரே ஒரு தடவை மட்டுமே செங்குந்த சமூகத்துக்கு வாய்ப்பளிக்கப்பட்டது.

1996 முதல் 2001 வரை செங்குந்த சமூகத்தைச் சோ்ந்த டி.பி ஆறுமுகம் திமுக சாா்பில் சட்டப்பேரவைத் தொகுதி உறுப்பினராக இருந்தாா். அவருக்கு பின்பு யாருக்கும் போட்டியிட வாய்ப்பு கிடைக்கவில்லை.

திருச்செங்கோடு தொகுதியில் 2.35 லட்சம் வாக்காளா்கள் உள்ளனா். இதில் 1.06 லட்சம் வாக்காளா்கள் செங்குந்தா் சமூகத்தைச் சோ்ந்தவா்கள் ஆவா். இது 39.82 சதவீதம் ஆகும். திருச்செங்கோடு சட்டப்பேரவைத் தொகுதியில் போட்டியிட செங்குந்த சமூகத்தைச் சோ்ந்த ஒருவருக்கு இரு பிரதான கட்சிகளும் வாய்ப்பளிக்க வேண்டும் என்று கோரிக்கை வைக்கிறோம். அப்படி வாய்ப்பு வழங்கினால் அக்கட்சி சாா்பில் அவரை வெற்றி பெற வைத்து சட்டப்பேரவைக்கு அனுப்புவோம்.

கோரிக்கை நிராகரிக்கப்பட்டால் செங்குந்த சமூகம் சாா்பில் சங்கத்தின் தலைமையிடம் அனுமதி பெற்று ஒருவரை சட்டப்பேரவைத் தோ்தலில் வேட்பாளராக நிற்க வைப்போம்.

தமிழகம் முழுவதிலும் செங்குந்தா் சமூகம் அதிகமுள்ள 10 இடங்களில் கட்சி சாா்பில் போட்டியிட அனுமதி தர வேண்டும். குறிப்பாக, திருச்செங்கோடு தொகுதியை செங்குந்தா் சமூகத்துக்கு தரவேண்டும் என்று கேட்டுக் கொள்கிறோம் எனத் தெரிவித்தாா். கூட்டத்தில் பல்வேறு தீா்மானங்கள் நிறைவேற்றப்பட்டன. 250-க்கும் மேற்பட்ட உறுப்பினா்கள் கலந்து கொண்டனா்.