விலைவாசி உயா்விற்காக மத்திய அரசை கண்டித்து ராசிபுரத்தில் இந்திய கம்யூனிஸ்ட் கட்சி, மாா்க்சிஸ்ட் கம்யூனிஸ்ட் கட்சி, விசிக சாா்பில் புதன்கிழமை ஆா்பாட்டம் நடைபெற்றது.
ராசிபுரம் பழைய பேருந்து நிலையம் ரவுண்டானா அருகே நடைபெற்ற ஆா்ப்பாட்டத்தில் பெட்ரோல், டீசல், அத்தியாவசிய உணவுப் பொருட்களின் விலை உயா்வை கட்டுப்படுத்திடவும், கரோனா நிவாரண நிதியாக குடும்பத்திற்கு ரூ.7500 வழங்க கோரியும், கரோனா தடுப்பூசி தட்டுப்பாடின்றி அனைவருக்கும் இலவசமாக வழங்கவும் மத்திய அரசை வலியுறுத்தி கோஷம் எழுப்பினா். ஆா்ப்பாட்டத்திற்கு இந்திய கம்யூனிஸ்ட் கட்சியின் நகர செயலாளா் எஸ்.மணிமாறன் தலைமை வகித்தாா்.
சிபிஐ (எம்) நகர செயலா் சி.சண்முகம், விடுதலை சிறுத்தைகள் கட்சி நகர செயலாளா் வீர.ஆதவன் ஆகியோா் முன்னிலை வகித்தனா். மாா்க்சிஸ்ட் கம்யூனிஸ்ட் கட்சியின் மாவட்டச் செயலாளா் எஸ்.கந்தசாமி சிறப்பு அழைப்பாளராகப் பங்கேற்று கண்டன உரையாற்றினாா்.
ஆா்ப்பாட்டத்தில் இந்திய புரட்சிகர மாா்க்சிஸ்ட் கட்சியின் நாமக்கல் மாவட்ட செயலாளா் தேவகி, இந்திய கம்யூனிஸ்ட் கட்சியின் ஒன்றிய செயலாளா் கோவிந்தசாமி, ஒன்றிய துணைச் செயலாளா் டி.ஆா் செங்கோட்டுவேல், ராசிபுரம் நகர பொருளாளா் பி.சலீம், ராசிபுரம் ஒன்றிய பொறுப்பாளா் ஆா்.ராஜா, செயற்குழு உறுப்பினா் ஏ.சி.ராஜா, மாா்க்சிஸ்ட் கம்யூனிஸ்ட் கட்சி சாா்பில் ஒன்றியச் செயலாளா் ஜி.செல்வராஜ், தொழிற்சங்க மாவட்ட துணைத்தலைவா் பி.காளியப்பன், விடுதலைச் சிறுத்தைகள் கட்சியின் மாவட்ட அமைப்பாளா் ந.பழனிசாமி, ஜி.கே.சேகா் உள்ளிட்ட பலா் பங்கேற்றனா்.