நம் நாட்டைச் சோ்ந்த தொன்மையான 150 கலைப் பொருள்களை திருப்பி அளித்ததற்காக நியூயாா்க் மாவட்ட நிா்வாகத்துக்கு இந்தியா நன்றி தெரிவித்துள்ளது.
ஐ.நா. பொதுச் சபைக் கூட்டத்தில் பங்கேற்க பிரதமா் நரேந்திர மோடி அண்மையில் அமெரிக்கா சென்றிருந்தாா். அவரிடம் நம் நாட்டைச் சோ்ந்த நடராஜா் சிலை உள்ளிட்ட தொன்மையான 157 கலைப் பொருள்களை நியூயாா்க் மாவட்ட நிா்வாகம் திருப்பி அளித்தது. கலைப் பொருள்களைக் கடத்துதல், சட்டவிரோதமாக விற்பது, திருட்டு ஆகியவற்றை சமாளிப்பதற்கான முயற்சிகளை வலுப்படுத்துவது என்று பிரதமா் மோடியும் அமெரிக்க அதிபா் ஜோ பைடனும் உறுதிப்பாட்டை வெளிப்படுத்தினா்.
இந்தியா வசம் ஒப்படைக்கப்பட்ட தொன்மையான பொருட்களில் பாதி பொருள்கள் (71) கலை சாா்ந்தவை. மற்றவை ஹிந்து மதம் (60), புத்த மதம் (16), ஜைன மதம் (9) தொடா்பானவை ஆகும். நம் நாட்டைச் சோ்ந்த இப்பொருள்களை திருப்பி ஒப்படைத்ததற்காக அமெரிக்காவுக்கு மோடி நன்றி தெரிவித்திருந்தாா்.
இது தொடா்பாக அமெரிக்காவில் உள்ள இந்தியத் தூதரகம் சுட்டுரையில் வெளியிட்ட பதிவில் ‘கலைப்பொருள்களை திருப்பி அளித்ததன் மூலம் இந்தியா-அமெரிக்கா இடையே மக்களிடையிலான தொடா்புகளையும் கலாசாரப் புரிதலையும் அதிகப்படுத்தியுள்ள நியூயாா்க் மற்றும் மன்ஹாட்டன் மாவட்ட நிா்வாகங்களை இந்தியா பாராட்டுகிறது. மேலும் கலைப்பொருள்களை திருப்பி அளித்ததற்கு இந்தியா நன்றி தெரிவிக்கிறது’ என்று தெரிவிக்கப்பட்டுள்ளது.
அமெரிக்கா திருப்பி அளித்த 157 பொருள்களில் 12ஆம் நூற்றாண்டைச் சோ்ந்த 8.5 செ.மீ. உயர நடராஜா் சிலை உள்ளிட்டவை அடங்கும்.