நாமக்கல் மாவட்டத்தில் மாற்று வாக்காளா் புகைப்பட அடையாள அட்டைகள் வரும் வெள்ளிக்கிழமை (அக். 1) முதல் வழங்கப்பட உள்ளன.
இதுகுறித்து மாவட்ட ஆட்சியா் ஸ்ரேயா பி.சிங் வெளியிட்ட செய்திக் குறிப்பு:
இந்திய தோ்தல் ஆணைய அறிவுரையின்படி, அனைத்து வாக்காளா்களும் தங்களுக்கு மாற்று புகைப்பட அடையாள அட்டைகள் தேவைப்படும்பட்சத்தில் பெற்றுக் கொள்ளலாம். இவை வரும் வெள்ளிக்கிழமை முதல் வாக்காளா்களுக்கு இலவசமாக வழங்க முடிவு செய்யப்பட்டுள்ளது. எனவே, நாமக்கல் மாவட்டத்தில் உள்ள அனைத்து அரசு இ-சேவை மையங்கள் மூலம் மாற்று புகைப்பட வாக்காளா் அடையாள அட்டைகள் தேவைப்படும் வாக்காளா்கள் இலவசமாக பெற்றுக் கொள்ளலாம். இந்த சேவையை தவறாமல் பயன்படுத்திக் கொள்ள வேண்டும் என அதில் தெரிவிக்கப்பட்டுள்ளது.