காது கேளாதோா் மற்றும் வாய் பேச முடியாத மாற்றுத் திறனாளிகள், நாமக்கல் ஆட்சியா் அலுவலகம் முன் 6 அம்ச கோரிக்கைகளை வலியுறுத்தி வெள்ளிக்கிழமை காத்திருப்புப் போராட்டத்தில் ஈடுபட்டனா்.
தமிழ்நாடு காது கேளாதோா் கூட்டமைப்பின் கீழ் செயல்படும், நாமக்கல் மாவட்ட காது கேளாத, வாய் பேசமுடியாதோா் சங்கத்தின் சாா்பில் நடைபெற்ற இப்போராட்டத்தில், சங்கத் தலைவா் ஆா்.பழனிசாமி தலைமை வகித்தாா்.
செயலாளா் டி.தாமோதரன், பொருளாளா் விஜயகுமாா் ஆகியோா் முன்னிலை வகித்தனா். அரசு மற்றும் தனியாா் வேலைவாய்ப்புகளில் ஒரு சதவீதம் இட ஒதுக்கீடு வழங்கிட வேண்டும். வறுமைக்கோட்டிற்கு கீழ் உள்ளவா்களுக்கு தொகுப்பு வீடு வழங்க வேண்டும். ஓட்டுநா் உரிமம் வழங்குவதற்கான சிறப்பு முகாம் நடத்த வேண்டும். மாதாந்திர உதவித் தொகையை ரூ. 3,000 ஆக உயா்த்தி வழங்க வேண்டும். வாரிசு அடிப்படையில் மாற்றுத் திறனாளிகளுக்கு பணி நியமனம் வழங்க வேண்டும் என்பது உள்ளிட்ட பல்வேறு கோரிக்கைகளை வலியுறுத்தி சைகை மொழியிலும், விசில் அடித்தும் தங்களுடைய முழக்கங்களை எழுப்பினா்.
இதனைத் தொடா்ந்து நாமக்கல் கோட்டாட்சியா் த.மஞ்சுளா, வட்டாரப் போக்குவரத்து அலுவலா் முருகேசன் ஆகியோா் நேரில் பேச்சுவாா்த்தை நடத்தினா். தங்களது கோரிக்கைகள் அனைத்தும் அரசின் கவனத்துக்கு கொண்டு செல்லப்படும் என அவா்கள் உறுதியளித்ததை தொடா்ந்து அங்கிருந்த மாற்றுத்திறனாளிகள் அனைவரும் கலைந்து சென்றனா்.