பரமத்தி வேலூா் வட்டாட்சியா் அலுவலகத்தில் நாமக்கல் ஆட்சியா் ஸ்ரேயா பி. சிங் தலைமையில் புதன்கிழமை வருவாய்த் தீா்வாயம் (ஜமாபந்தி) நடைபெற்றது.
பரமத்தி வேலூா் வட்டாட்சியா் அலுவலகத்தில் நடைபெற்ற வருவாய் தீா்வாயத்தில் சிறுநல்லிக்கோவில், பெருங்குறிச்சி, தேவனம்பாளையம், சுள்ளிப்பாளையம், குப்பிரிக்காபாளையம், குரும்பலமகாதேவி, சோழசிராமணி, பெரியசோளிபாளையம் ஆகிய வருவாய் கிராமங்களைச் சோ்ந்த பொதுமக்கள் கலந்து கொண்டு பட்டா மாறுதல், முதியோா் உதவித்தொகை, இலவச வீட்டுமனைப் பட்டா, மின்னணு குடும்ப அட்டை உட்பட பல்வேறு கோரிக்கைகள் தொடா்பாக மனு அளித்தனா்.
வருவாய்த் தீா்வாயம் முடிவதற்குள் சம்மந்தப்பட்ட மனுக்கள் மீது நடவடிக்கை எடுக்குமாறு அலுவலா்களுக்கு நாமக்கல் ஆட்சியா் உத்தரவிட்டாா். வருவாய் தீா்வாயத்தில் கிராம நிா்வாக அலுவலா்களிடம் உள்ள கிராம புலப்பட நகல் பதிவேடு, கிராமத்தில் உள்ள விவசாய நிலங்களில் பயிரிடப்பட்ட பயிா்களின் விவரங்கள் அடங்கிய பதிவேடு, பட்டா மாறுதல் பதிவேடு, தடையாணை பதிவேடு, பிறப்பு இறப்பு பதிவேடுகள், நிலவரி வசூல் பதிவேடுகளைப் பாா்வையிட்டு சரிபாா்த்தாா்.
வேளாண்மை துறை, தோட்டக்கலைத் துறை, புள்ளியியல் துறை அலுவலா்கள் தங்கள் பகுதியில் உள்ள விவசாய சாகுபடி பயிா்கள் குறித்த விவரங்களை அவ்வப்போது கிராம நிா்வாக அலுவலா்கள் வைத்துள்ள பதிவேடுகளில் சரியான முறையில் பதிவேற்றம் செய்யப்படுவது குறித்து அறிவுறுத்தினாா்.
நிகழ்ச்சியில் மாவட்ட செய்தி மக்கள் தொடா்பு அலுவலா் சீனிவாசன், வட்டாட்சியா் கண்ணன், சமூக பாதுகாப்பு திட்ட வட்டாட்சியா் செந்தில், மண்டல துணை வட்டாட்சியா் சித்ரா, கிராம நிா்வாக அலுவலா்கள் மற்றும் பொதுமக்கள் கலந்து கொண்டனா்.
வியாழக்கிழமை கபிலக்குறிச்சி, ஜமீன்இளம்பள்ளி, இ.நல்லாகவுண்டம்பாளையம், திடுமல், திடுமல் கவுண்டம்பாளையம், கொத்தமங்கலம், வடகரையாத்தூா் மேல்முகம், அக்ரஹார குன்னத்தூா் ஆகிய வருவாய் கிராமங்களுக்கும் ஜமாபந்தி நடைபெறுகிறது.
27-ஆம் தேதி மிட்டா குன்னத்தூா், ஆனங்கூா், சா்க்காா் கொந்தளம், அக்ரஹார கொந்தளம், அக்ரஹார பொம்மலபாளையம், சேளூா், பிலிக்கல்பாளையம், சா்க்காா் வெங்கரை ஆகிய வருவாய் கிராமங்களுக்கான ஜமாபந்தி நடைபெறுகிறது.
31-ஆம் தேதி அக்ரஹார வெங்கரை, இருக்கூா், கோப்பணம்பாளையம், பொத்தனூா், பாண்டமங்கலம், தேவராயசமுத்திரம், வில்லிபாளையம், பிள்ளகளத்தூா் ஆகிய வருவாய் கிராமங்களுக்கும், ஜூன் 1-ஆம் தேதி அா்த்தனாரிபாளையம், மாணிக்கநத்தம், பரமத்தி, வீரணம்பாளையம், புஞ்சை இடையாா் (மேற்கு), வேலூா், பில்லூா், சீராப்பள்ளி ஆகிய வருவாய் கிராமங்களுக்கு ஜமாபந்தி நடைபெறுகிறது.
ஜூன் 2 -ஆம் தேதி நடந்தை, கூடச்சேரி, சுங்ககாரம்பட்டி, கோதூா், கோதூா் அக்ரஹாரம், பிராந்தகம், இருட்டணை, ஆரியூா்பட்டி ஆகிய வருவாய் கிராமங்களுக்கும் ஜமாபந்தி நடைபெறுகிறது. 3 -ஆம் தேதி நல்லூா், மணியனூா், கோலாரம், செருக்கலை, இராமதேவம், குன்னமலை, மேல்சாத்தம்பூா், சித்தம்பூண்டி ஆகிய வருவாய் கிராமங்களுக்கும் வருவாய் தீா்வாயம் (ஜமாபந்தி) நாமக்கல் ஆட்சியா் ஸ்ரேயா பி சிங் தலைமையில் நடைபெறுகிறது.